Read William Morgan Bible 1588 original edition Psalmau 81 Bible Online

Psalmau 81 - William Morgan Bible 1588 original edition bible

Psalmau 81

¹At y pen-cerdd ar y Gittith psalm i Asaph. Cenwch yn llafar i Dduw ein cadernid: cênwch yn llawen i Dduw Iacob.

²Cymmêrwch psalm, a moeswch dympan, telyn fwyn, a nabl.

³Ud-cênwch vdcorn ar loer newydd, ar amser nodedic, yn nydd ein vchelŵyl.

⁴Canys deddf [yw] hyn i Israel, [a] defod i Dduw Iacob.

⁵Efe ai gosododd yn destiolaeth yn Ioseph: pan aeth efe allan o dir yr Aipht [lle] y clywais iaith ni ddeallwn.

⁶Tynnais ei yscwydd oddi wrth y baich, ei ddwylo a ymadawsant a’r crochanau.

⁷Mewn cyfyngder y gelwaist, ac mi a’th waredais: gwrandewais di yn nirgelwch y dâran, profais di wrth ddyfroedd Meribba. Selah .

⁸Clyw fy mhobl, a mi a destiolaethaf i ti Israel, os gwrandewi arnaf,

⁹Na fydded ynot Dduw arall, ac nac ymgrymma i Dduw dieithr.

¹⁰Myfi’r Arglwydd dy Dduw [yw]’r hwn a’th ddûg i fynu o dîr yr Aipht: llêda dy safn, ac mi ai llanwaf.

¹¹Ond ni wrandawe fy mhobl ar fy llef, ac Israel nid vfuddhâe i mi.

¹²Yna y gollyngais hwynt yng-hyndynrwydd eu calon, aethant wrth eu cyngor eu hunain.

¹³Oh na wrandawe fy mhobl arnaf fi: [na] rodie Israel yn fy ffyrdd mau fi.

¹⁴Buan y gostyngwn eu gelynnion: ac y troiwn fy llaw’n erbyn eu gwrthwyneb-wŷr.

¹⁵Caseion yr Arglwydd a gymmerent arnynt ymostwng iddo ef, ai hamser hwythau fydde’n dragywydd.

¹⁶Bwydid ef hefyd â brasder gwenith: ac â mêl o’r graig i’th ddiwallwn.