Read William Morgan Bible 1588 original edition Psalmau 83 Bible Online

Psalmau 83 - William Morgan Bible 1588 original edition bible

Psalmau 83

¹Cân neu Psalm i Asaph. O Dduw na ostêga, na thaw, ac na fydd lonydd ô Dduw.

²Canys wele dy elynnion sydd yn terfyscu, a’th gaseion yn cyfodi eu pennau.

³Ymgyfrinachâsant yn ddichellgar yn erbyn dy bobl, ac ymgynghorâsant yn erbyn dy rai dirgel di.

⁴Dywedâsant, deuwch, a difethwn hwynt fel na byddant yn genhedlaeth, ac na chofier enw Israel mwyach.

⁵Canys ymgynghorâsant yn vn-fryd, ac ymwnaethant i’th erbyn.

⁶Pebyll Edom, a’r Ismaeliaid, y Moabiaid, a’r Hagariaid.

⁷Y Gebaliaid, a’r Ammoniaid a’r Amaleciaid, y Philistiaid, gyd â phresswyl-wŷr Tyrus.

⁸Assur hefyd a ymgwplysodd â hwynt, buant fraich i blant Lot. Selah .

⁹Gwna di iddynt fel [i] Madian, megis i Sisara, [ac] megis [i] Iabin wrth afon Cizon.

¹⁰Yn Endor y difethwyd hwynt, [ac] y buant yn dail i’r ddaiar.

¹¹Gosot hwy ai boneddigion fel Oreb, a Zeb, ai holl dywysogion fel Zeba, a Salmunah.

¹²Y rhai a ddywedâsant, gorescynnwn i ni gyfanneddau Duw.

¹³Gosot hwynt ô fy Nuw fel olwyn, [ac] fel sofl o flaen y gwynt.

¹⁴Fel y llysc tân goed, ac fel y goddeithio fflam fynyddoedd:

¹⁵Felly erlit di hwynt â’th dymhestl, a dychryna hwynt â’th gor-wynt.

¹⁶Llanw di eu hwynebau â gwarth, fel y ceisiant dy enw ô Arglwydd.

¹⁷Cywilyddier a thralloder hwynt yn dragywydd: gwradwydder hefyd, a difether hwynt.

¹⁸Fel y gwypont mai tydi yn vnic [yr hwn wyt] Iehofa [wrth] dy enw, [wyt] Oruchaf ar yr holl ddaiar.