Read William Morgan Bible 1588 original edition Psalmau 84 Bible Online

Psalmau 84 - William Morgan Bible 1588 original edition bible

Psalmau 84

¹At y pen-cerdd ar y Gittith, Psalm i feibion Corah. Mor hawddgar [yw] dy bebyll di ô Arglwydd y lluoedd.

²Fy enaid a chwennychodd, ac a flysiodd hefyd am dy gynteddau di ô Arglwydd: fyng-halon a’m cnawd a orfoleddant yn Nuw byw.

³Aderyn y tô hefyd a gafodd dŷ, a’r wennol nŷth iddi, lle y gesid ei chywion: sef dy allorau di ô Arglwydd y lluoedd fy Mrenin a’m Duw.

⁴Gwynfyd presswylwŷr dy dŷ: yn wastad i’th foliannant. Selah .

⁵Gwyn ei fyd y dŷn y mae ei gadernid ynot, [a’th] ffyrdd yn ei galon.

⁶Y rhai sydd yn myned trwy ddyffryn wylofain ai gosodant yn ffynnon, a’r glaw a leinw y llynnau.

⁷Ant o nerth i nerth, [ac] ymddengys [pob vn] ger bron Duw yn Sion.

⁸O Arglwydd Dduw’r lluoedd clyw fyng-weddi, gwrando ô Dduw Iacob. Selah .

⁹O Dduw ein tarian gwel, ac edrych wyneb dy eneiniog.

¹⁰Canys gwell yw diwrnod yn dy gynteddau di na mîl: dewiswn gadw drws yn nhŷ fy Nuw, o flaen trigo ym-mhebyll annuwioldeb.

¹¹Canys haul, a tharian yw’r Arglwydd Dduw, yr Arglwydd a rydd râd a gogoniant: ni attal efe ddaioni oddi wrth y rhai a rodiant yn berffaith.

¹²O Arglwydd y lluoedd gwynfyd y dyn a ymddiriedo ynot.