Read William Morgan Bible 1588 original edition Psalmau 85 Bible Online

Psalmau 85 - William Morgan Bible 1588 original edition bible

Psalmau 85

¹At y pen-cerdd o feibion Corah Psalm. Gras-lawn wyt ô Arglwydd i’th dir, dychwelaist gaethiwed Iacob.

²Maddeuaist anwiredd dy bobl: a chuddiaist eu holl bechod. Selah .

³Tynnaist ymmaith dy holl lid, troaist oddi wrth lidiawgrwydd dy ddigter.

⁴Troa ni ô Dduw, ein iechydwriaeth: a thorr dy ddigofaint wrthym.

⁵Ai byth y digi wrthym? a estynni di dy sorriant hyd genhedlaeth a chenhedlaeth?

⁶Oni throi di a’n bywhau ni, fel y llawenycho dy bobl ynot ti?

⁷Dangos i ni Arglwydd dy drugaredd: a dod ti i ni dy iechydwriaeth.

⁸Gwrandawaf beth a ddywed yr Arglwydd Dduw [am danaf fi:] canys efe a draetha heddwch iw bobl, ac iw sainct, fel na throant i ynfydrwydd.

⁹Diau [fod] ei iechid ef yn agos i’r rhai ai hofnant ef: fel y trigo gogoniant yn ein tir ni.

¹⁰Trugaredd a gwirionedd a ymgyfarfûant: cyfiawnder a heddwch a ymgusanâsant.

¹¹Gwirionedd a dardda o’r ddaiar, a chyfiawnder a edrych o’r nefoedd.

¹²Yr Arglwydd hefyd a rydd ddaioni a’n daiar a rydd ei chnŵd.

¹³Cyfiawnder a aiff oi flaen ef: ac efe a esid ei draed ar y ffordd.