Read William Morgan Bible 1588 original edition Psalmau 86 Bible Online

Psalmau 86 - William Morgan Bible 1588 original edition bible

Psalmau 86

¹Gweddi Dafydd. [33]Gostwng ô Arglwydd dy glust, [a] gwrando fi: canys truan a thlawd [ydwyf] fi.

²Cadw fy enaid canys duwiol [ydwyfi:] achub di dy wâs ô Dduw’r hwn sydd yn ymddyried ynot.

³Trugarhâ wrthif Arglwydd, canys arnat y llefaf beunydd.

⁴Llawenhâ enaid dy wâs, canys attat y derchafaf fy enaid.

⁵Canys ti ô Arglwydd [ydwyt] ddâ a thrugarog: ac o fawr drugaredd i’r rhai oll a alwant arnat.

⁶Clyw Arglwydd fyng-weddi: ac ystyria ar lais fy ymbil.

⁷Yn nydd fyng-hyfyngder y llefaf arnat: canys gwrandewi fi.

⁸Nid [oes] fel tydi ym mysc y duwiau: nac fel dy weithredoedd di ô Arglwydd.

⁹Yr holl genhedloedd y rhai a wnaethost a ddeuant, ac a addolant ger dy fron di ô Arglwydd: ac a ogoneddant dy enw.

¹⁰Canys [ydwyt] fawr, ac yn gwneuthur rhyfeddodau: ti yn vnic [wyt] Dduw.

¹¹Dysc i mi dy ffordd ô Arglwydd, ac mi a rodiaf yn dy wirionedd di: vna fyng-halon [â thi] fel yr ofnwyf dy enw.

¹²Moliannaf di ô Arglwydd fy Nuw a’m holl galon: a gogoneddaf dy enw yn dragywydd.

¹³Canys mawr [yw] dy drugaredd tu ag attafi, a gwaredaist fy enaid o vffern issod.

¹⁴Rhai beilchion a gyfodasant i’m herbyn ô Dduw, a chynnulleidfa y cedyrn a geisiasant fy enaid, ac ni’th osodasant di ger eu bron.

¹⁵Eithr ti ô Arglwydd Dduw [ydwyt] drugarog, a gras-lawn: hwyrfrydic i lid, ac aml o drugaredd a gwirionedd.

¹⁶Edrych arnaf, a thrugarhâ wrthif: dod ti dy nerth i’th wâs, ac achub fab dy wasanaethferch.

¹⁷Gwna di i mi arwydd daioni, fel y gwelo fyng-haseion, ac y gwradwydder hwynt, am i ti ô Arglwydd fyng-hynnorthwyo a’m diddânu.