Read William Morgan Bible 1588 original edition Psalmau 89 Bible Online

Psalmau 89 - William Morgan Bible 1588 original edition bible

Psalmau 89

¹Athrawiaeth Ethan yr Esrehiad. [34]Trugareddau’r Arglwydd a ddatcanaf byth, a’m genau y mynêgaf dy wirionedd di o genhedlaeth hyd genhedlaeth.

²Canys dywedais yr adailedir trugaredd yn dragywydd: yn y nefoedd y cadarnhei dy wirionedd.

³Gwneuthum ammod a’m etholedig, tyngais i’m gwâs Dafydd.

⁴Yn dragywydd y siccrhâf dy hâd ti: ac o genhedlaeth i genhedlaeth yr adailadaf dy orseddfaingc di. Selah .

⁵Am hynny ô Arglwydd, y nefoedd a foliannant dy ryfeddod, a’th wirionedd yng-hynnulleidfa y sainct.

⁶Canys pwy yn yr wybrennau a gystedlir â’r Arglwydd? [pwy] a gyffelybir i’r Arglwydd ym mysc y duwiau?

⁷Duw sydd ofnadwy iawn yng-hynnulleidfa’r sainct: ac iw arswydo yn ei holl amgylchoedd.

⁸O Arglwydd Dduw’r lluoedd pwy sydd fel tydi yn gadarn Ior, a’th wirionedd o’th amgylch?

⁹Ti ydwyt yn llywodraethu ymchwydd y môr, pan gyfodo ei donnau ti ai gostegi.

¹⁰Ti a drybaeddaist yr Aipht fel [un] lladdedic: drwy nerth dy fraich y gwascêraist dy elynnion.

¹¹Y nefoedd [ydynt] eiddo ti, a’r ddaiar [sydd] eiddo ti: ti a seiliaist y bŷd ac sydd ynddo.

¹²Ti a greaist ogledd a dehau: Thabor a Hermon a lawenŷchant yn dy enw.

¹³[Y mae] i ti fraich, a chadernid, cadarn yw dy law, ac vchel yw dy ddeheu-law.

¹⁴Cyfiawnder, a barn [yw] trigfa dy orseddfaingc: trugaredd a gwirionedd a ragflaenant dy wyneb.

¹⁵Gwyn ei fyd y bobl y rhai a fedrant lawenychu [ynot:] yn llewyrch dy wyneb ô Arglwydd y rhodiant hwy.

¹⁶Yn dy enw di y gorfoleddant beunydd, ac yn dy gyfiawnder yr ymdderchafant.

¹⁷Canys godidawgrwydd eu cadernid hwynt [ydwyt] ti, ac o’th ewyllys dâ y derchefi ein cyrn ni.

¹⁸Canys o’r Arglwydd [y mae] ein tarian ac o Sanct Israel [y mae] ein Brenin.

¹⁹Yna’r ymddiddenaist mewn gweledigaeth a’th sainct, ac a ddywedaist, gosodais gymmorth ar [vn] cadarn: ac a dderchefais vn etholedic o’r bobl.

²⁰Cefais Ddafydd fyng-wasanaeth-wr [ac] eneiniais ef a’m holew sanctaidd.

²¹Yr hwn y cadarnheuir fy llaw gyd ag ef: a’m braich ai nertha ef.

²²Ni orthrymma y gelyn ef, a’r mab anwir nis cystuddia ef.

²³Canys coethaf ei elynnion oi flaen, ai gaseion a darawaf.

²⁴Fyng-wirionedd hefyd, a’m trugaredd [fyddant] gyd ag ef: ac yn fy enw y derchefir ei gorn ef.

²⁵A gosodaf ei law ar y môr, ai ddeheulaw yn yr afonydd.

²⁶Efe a’m geilw [gan ddywedyd,] ti [yw] fy Nhâd, fy Nuw a chraig fy iechydwriaeth.

²⁷Minne ai rhoddaf yntef yn gynfab, goruchaf ar frenhinoedd y ddaiar.

²⁸Cadwaf iddo fy nhrugaredd yn dragywydd: a’m cyfammod fydd ffyddlon iddo ef.

²⁹Gosodaf hefyd ei hâd yn dragywydd: ai orsedd-faingc fel dyddiau y nefoedd.

³⁰Os ei feibion a adawant fyng-hyfraith: ac ni rodiant yn fy marnedigethau.

³¹Os fy neddfau a halogant: a’m gorchymynnion ni chadwant.

³²Yna gofwyaf eu camwedd â gwialen, ai hanwiredd â ffrewyllau.

³³Ond ni thorraf fy nhrugaredd oddi wrtho ef: ac ni phallaf o’m gwirionedd.

³⁴Ni thorraf fyng hyfammod: ac ni newidiaf yr hyn a ddaeth allan o’m genau.

³⁵Tyngais vnwaith i’m sancteiddrwydd na phallwn i Ddafydd [gan ddywedyd:]

³⁶Bydd ei hâd ef yn dragywydd: ai orseddfaingc fel yr haul ger fy mron i.

³⁷Siccrheir ef yn dragywydd fel y lleuad, ac [fel] y tystion ffyddlon yn yr wybr. Selah .

³⁸Ond ti a ffieiddiaist, ac a ddiystyraist, [ac] a ddigiasit wrth dy eneiniog.

³⁹Diddymmaist gyfammod dy wâs, halogaist ei goron [gan ei thaflu] i lawr.

⁴⁰Drylliaist ei holl gaeau ef, gosodaist ei amddeffynfeudd yn adwyau.

⁴¹Yr holl fforddolion ai hyspeiliasant ef: aeth yn warthrudd i’w gymmydogion.

⁴²Derchefaist ddeheu-law ei wrthwyneb-wŷr ef, a llawenheaist ei holl elynnion ef.

⁴³Troaist hefyd fin ei gleddyf, ac ni chadarn-heaist ef mewn rhyfel.

⁴⁴Peraist iw lendid ddarfod, a bwriaist ei orsedd-faingc i lawr.

⁴⁵Byrheaist ddyddiau ei ieuengctid, [a] thoaist gywilydd trosto ef. Selah .

⁴⁶Pa hŷd Arglwydd yr ymguddi? [ai]’n dragywydd? a lysc dy ddigofaint ti fel tân?

⁴⁷Cofia pa oes sydd [i] mi, pa ham y creaist holl blant dynnion yn ofer?

⁴⁸Pa ŵr a fydd byw, ac ni wêl farwolaeth? [ac] a wared ei enaid o feddiant vffern? Selah .

⁴⁹Pa lê y mae dy hên drugareddau ô Arglwydd [y rhai] a dyngaist i Ddafydd yn dy wirionedd?

⁵⁰Cofia ô Arglwydd wradwydd dy weision, [yr hwn] a ddygais yn fy monwes [gan yr] holl bobloedd fawrion.

⁵¹A’r hwn y gwarthruddodd dy elynnion [dydi] ô Arglwydd, y rhai a gablasant ôl troed dy eneiniog.

⁵²Bendigêdic fyddo’r Arglwydd yn dragywydd, felly y byddo, ac Amen.