Read William Morgan Bible 1588 original edition Psalmau 9 Bible Online

Psalmau 9 - William Morgan Bible 1588 original edition bible

Psalmau 9

¹Confitebor tibi Domine. At y pen-cerdd wrth farwolaeth Labben, Psalm Dafydd. [3]Clodforaf yr Arglwydd a’m holl galon: mynegaf dy holl ryfeddodau.

²Llawenychaf a gorfoleddaf ynot: canaf i’th enw di, y Goruchaf.

³Tra y ddychwelid fyng-elynnion yn eu hôl, y llithrant, ac y difethir hwynt o’th flaen di.

⁴Canys gwnaethost fy marn a’m matter yn dda: eisteddaist ar orsedd-faingc ô farnudd cyfiawn.

⁵Ceryddaist y cenhedloedd, destruwiaist yr annuwiol: eu henw hwynt a ddelêaist hefyd byth bythol.

⁶Hâ elyn, darfu am ddinistr yn dragywydd, diwreiddiaist y dinasoedd, darfu eu coffadwriaeth [gyd â] hwynt.

⁷Yr Arglwydd a erys yn dragywydd: efe a baratôdd ei orsedd-faingc i farn.

⁸Canys efe a farn y bŷd mewn cyfiawnder: efe a farn y bobloedd mewn iniondeb.

⁹Yr Arglwydd hefyd fydd amddeffyn i’r truan, [a] nawddfa mewn prŷd, [sef] mewn cyfyngder.

¹⁰A’r rhai a adwaenant dy enw a ymddyriedant ynot: canys ni adewaist ô Arglwydd y rhai a’th geisient.

¹¹Can-molwch yr Arglwydd yr hwn sydd yn presswylio yn Sion: a mynegwch i’r bobloedd ei weithredoedd ef.

¹²Canys pan ymofynno efe am waed, y cofia efe am danynt: ac nid anghofia waedd y tlodion.

¹³Trugarhâ wrthif Arglwydd, fy nerchafudd o byrth angeu: gwêl fy mlinder gan fyng-haseion,

¹⁴Fel y mynegwyf dy holl foliant ym mhyrth merch Sion: [ac] y llawenychwyf yn dy iechydwriaeth.

¹⁵Y cenhedloedd a soddasant yn y ffôs yr hon a wnaethant: yn y rhwyd a guddiasant, y daliwyd eu troed hwynt.

¹⁶Adweinir yr Arglwydd, [canys] efe a wnaeth farn: yr annuwiol a faglwyd yng-weithredoedd ei ddwylo.Higaion. Selah .

¹⁷Y rhai drygionus a ymchwelant i vffern: [sef] yr holl genhedloedd a anghofiant Dduw.

¹⁸Canis nid anghofir y tlawd byth, gobaith y trueniaid [ni] chollir byth.

¹⁹Cyfot Arglwydd, na orfydded dŷn: barner y cenhedloedd ger dy fron di.

²⁰Gosot Arglwydd ofn arnynt, gŵybydded y cenhedloedd [mai] dynnion ydynt hwy. Selah .