Read William Morgan Bible 1588 original edition Psalmau 90 Bible Online

Psalmau 90 - William Morgan Bible 1588 original edition bible

Psalmau 90

¹Gweddi Moses gwr Duw. [35]Ti Arglwydd, fuost yn bresswylfa i ni o genhedlaeth i genhedlaeth.

²Cyn gwneuthur y mynyddoedd, a llunnio o honot y ddaiar, a’r bŷd, ti hefyd oeddit Dduw o dragywyddoldeb hyd dragywyddoldeb.

³Troi ddŷn i ddinistr, trachefn y dywedi, dychwelwch, feibion dynnion.

⁴Canys mil o flynyddoedd [ydynt] yn dy olwg di fel doe, wedi ’r êl heibio, ac [fel] gwiliadwriaeth nôs.

⁵Pan wascareth hwynt megis â llifeiriant y byddant fel hûn: yn forau fel llyssieun y cyfnewidiant.

⁶Y boreu y blodeua, ac yr adnewydda, eithr pryd nawn y torrir ef ymmaith, ac y gwywa.

⁷Canys yn dy ddîg y difethwyd ni, ac yn dy lidiawgrwydd ein brawychwyd.

⁸Gosodaist ein anwiredd ger dy fron, a’n dirgel bechodau yng-oleuni dy wyneb.

⁹Canys ein holl ddyddiau ni a ddarfuant gan dy ddigofaint di, treuliasom ein blynyddoedd fel lleferydd.

¹⁰Yn nyddiau ein blynyddoedd y mae deng-mhlynedd a thrugain, ac os o gryfder y cyrheuddir pedwar vgain mhlynedd, yna eu nerth sydd boen, a blinder: canys ebrwydd y derfydd, ac yr ehedwn ni ymmaith.

¹¹Pwy a edwyn nerth dy sorriant di? canys fel y mae dy ofn y mae dy ddigter.

¹²Dysc i ni felly i gyfrif ein dyddiau, fel y dygom ein calon i ddoethineb.

¹³Dychwel Arglwydd, pa hŷdy sorri? cymmer drugaredd ar dy weision.

¹⁴Diwalla ni yn foreu a’th drugaredd, fel y gorfoleddom, ac y llawenychom dros ein holl ddyddiau.

¹⁵Llawenhâ ni yn ôl y dyddiau y cystuddiaist ni, a’r blynyddoedd y gwelsom ddrygfyd.

¹⁶Gweler dy waith tu ag at dy weision, a’th odidawgrwydd tu ag at eu plant hwy.

¹⁷A bydded prydferthwch yr Arglwydd ein Duw arnom ni, a threfna weithred ein dwylo ynom ni, ie trefna waith ein dwylo.