Read William Morgan Bible 1588 original edition Psalmau 91 Bible Online

Psalmau 91 - William Morgan Bible 1588 original edition bible

Psalmau 91

¹Yr hwn sydd yn trigo yn nirgelwch y Goruchaf a erys yng-hyscod yr Holl-alluoc.

²Dywedaf wrth yr Arglwydd, fyng-obaith a’m hamddeffynfa [ydwyt,] yn fy Nuw y gobeithiaf.

³Canys efe a’th wareda di o fagl yr heliwr: [ac] oddiwrth haint echryslon.

⁴Ai ascell y cyscoda efe trosot, a thann ei adenydd y byddi diogel: ei wirionedd [fydd] darian, ac astalch [i ti.]

⁵Nid ofni rhag dychryn nôs, [na] rhag y saeth a eheto’r dydd.

⁶[Na] rhag yr haint yr hwn a rodio yn y tywyllwch, [na] rhag y dinistr a ddinistrio hanner dydd.

⁷Wrth dy ystlys y cwymp mîl, a dengmil wrth dy ddeheu-law: ond ni ddaw yn agos attat ti.

⁸Etto canfyddi a’th lygaid, a gwêli dâl y rhai annuwiol.

⁹Canys ti ô Arglwydd [wyt] fyng-obaith vchel y gosodaist dy bresswylfa.

¹⁰Ni ddigwydd i ti niwed, ac ni ddaw plâ yn agos i’th babell.

¹¹Canys efe a orchymyn iw angelion am danat ti, dy gadw yn dy holl ffyrdd.

¹²Ar eu dwylo i’th ddygant, rhag taro dy droed wrth garrec.

¹³Ar y llew, a’r asp y cerddi: ar genew llew, a’r ddraig y sethri.

¹⁴Gwaredaf ef hefyd am roddi o honaw serch arnaf: derchafaf ef am adnabod o honaw fy enw.

¹⁵Efe a eilw arnaf, a mi ai gwrandawaf: mewn ing y byddaf fi gyd ag ef, y gwaredaf ef, ac y gogoneddaf ef.

¹⁶Digonaf ef â hir ddyddiau: a dangosaf iddo fy iechydwriaeth.