Read William Morgan Bible 1588 original edition Psalmau 96 Bible Online

Psalmau 96 - William Morgan Bible 1588 original edition bible

Psalmau 96

¹Cenwch i’r Arglwydd ganiad newydd: cênwch i’r Arglwydd yr holl ddaiar.

²Cênwch i’r Arglwydd, [a] bendigwch ei enw ef: cyhoeddwch o ddydd i ddydd ei iechydwriaeth ef.

³Dadcenwch ym mysc y cenhedloedd ei ogoniant ef, [ac] ym mhlith yr holl bobloedd ei ryfeddodau.

⁴Canys mawr [yw’r] Arglwydd, a chanmoladwy iawn, ofnadwy [yw] efe goruwch yr holl dduwiau.

⁵Canys holl dduwiau’r bobloedd [ydynt] eulynnod, yr Arglwydd a wnaeth y nefoedd.

⁶Gogoniant a harddwch [ydynt] oi flaen ef, nerth a hyfrydwch [sydd] yn ei gyssegr.

⁷Tylwythau y bobl rhoddwch i’r Arglwydd: rhoddwch i’r Arglwydd ogoniant a nerth.

⁸Roddwch i’r Arglwydd ogoniant ei enw, dygwch fwyd offrwm, a deuwch iw gynteddoedd.

⁹Addolwch ger bron yr Arglwydd mewn prydferth sancteiddrwydd: yr holl ddaiar, ofnwch rhagddo ef.

¹⁰Dywedwch ym mysc y cenhedloedd, yr Arglwydd sydd yn teyrnasu: a’r byd a siccrhaodd efe fel nad yscogo: efe a farna y bobl yn iniawn.

¹¹Llawenhaed y nefoedd a gorfoledded y ddaiar: rhûed y môr ac sydd ynddo.

¹²Gorfoledded y maes, a’r hyn oll [sydd] ynddo: a holl brennau’r coed a gânant o flaen yr Arglwydd:

¹³Am ei ddyfod, am ei ddyfod i farnu’r ddaiar: efe a farna’r bŷd drwy gyfiawnder, a’r bobloedd yn ei wirionedd.