Read William Morgan Bible 1588 original edition Psalmau 97 Bible Online

Psalmau 97 - William Morgan Bible 1588 original edition bible

Psalmau 97

¹Yr Arglwydd sydd yn teyrnasu, gorfoledded y ddaiar, [a] llawenyched ynysoedd lawer.

²Niwl a thywyllwch [ydynt] oi amgylch ef: cyfiawnder, a barn [yw] sail ei orseddfaingc ef.

³Tân aiff allan oi flaen ef, ac a lŷsc ei elynnion ef o amgylch.

⁴Ei fellt a lewyrchâsant y byd, y ddaiar a welodd, ac a ofnodd.

⁵Y mynyddoedd a doddasant fel cŵyr o flaen yr Arglwydd: [sef] o flaen Arglwydd yr holl ddaiar.

⁶Y nefoedd a fynegâsant ei gyfiawnder ef: a’r holl bobl a welant ei ogoniant.

⁷Gwaradwydder y rhai oll a wasanaethant ddelw gerfiedic, y rhai a orfoleddant mewn eulynnod: addolwch ef yr holl dduwiau.

⁸Sion a glywodd, ac a lawenychodd: a merched Iuda a orfoleddasant o herwydd dy farnedigaethau di ô Arglwydd.

⁹Canys ti wyt Arglwydd goruchaf ar yr holl ddaiar: dirfawr y derchafwyt ti goruwch yr holl dduwiau.

¹⁰Casewch ddrygioni y rhai a gerwch yr Arglwydd: yr hwn sydd yn cadw eneidiau ei sainct, [ac] ai gwared o law y rhai annuwiol.

¹¹Hauwyd goleuni i’r cyfiawn, a llawenydd i’r rhai iniawn o galon.

¹²Y rhai cyfiawn, llawenychwch yn yr Arglwydd: a moliennwch goffadwriaeth ei sancteiddrwydd ef.