Read William Morgan Bible 1588 original edition Psalmau 98 Bible Online

Psalmau 98 - William Morgan Bible 1588 original edition bible

Psalmau 98

¹Psalm. [38]Cenwch i’r Arglwydd ganiad newydd, canys efe a wnaeth [bethau] rhyfedd: ai ddeheulaw, ac ai fraich sanctaidd y parodd iddo ei hun iechydwriaeth.

²Yspyssodd yr Arglwydd ei iechydwriaeth a dat-cuddiodd ei gyfiawnder yng-olwg y cenhedloedd.

³Cofiodd ei drugaredd, ai wirionedd i dŷ Israel: holl derfynau y ddaiar a welsant iechydwriaeth ein Duw ni.

⁴Cênwch yn llafar i’r Arglwydd bob daiar: llefwch, ac ymlawenhewch, a chênwch.

⁵Cênwch i’r Arglwydd gyd a’r delyn: [sef] gyd a’r delyn â llef canmoliaeth.

⁶Cênwch yn llafar o flaen yr Arglwydd y Brenin ar yr vdcyrn, a sain trwmpet.

⁷Rhûed y môr ac sydd ynddo, y bŷd a’r rhai a drigant oi fewn.

⁸Cured y llifeiriaint eu Dwylo: a chydganed y mynyddoedd

⁹O flaen yr Arglwydd, canys a ddaeth i farnu y ddaiar: efe a farna’r bŷd mewn cyfiawnder, ar bobloedd mewn iniondeb.