Read William Morgan Bible 1588 original edition Psalmau 99 Bible Online

Psalmau 99 - William Morgan Bible 1588 original edition bible

Psalmau 99

¹Yr Arglwydd sydd yn teyrnasu [er maint] a ymderfysco y bobloedd: eistedd y mae [rhwng] y Cerubiaid [er maint] a ymsiglo y ddaiar.

²Mawr [yw’r] Arglwydd yn Sion, a derchefedic yw efe goruwch yr holl bobloedd.

³Moliannant dy enw mawr ac ofnadwy, [canys] sanctaidd yw.

⁴A nerth y brenin a hoffa farn, ti a ddarperaist iniondeb, barn, a chyfiawnder a wnaethost ti yn Iacob.

⁵Derchefwch yr Arglwydd ein Duw, ac ymgrymmwch o flaen ei stôl draed ef, [canys] sanctaidd [yw] efe.

⁶Moses ac Aaron [oeddynt] ym mhlith ei offeiriaid ef: a Samuel ym mysc y rhai a alwent ar ei enw, galwasant ar yr Arglwydd, ac efe ai gwrandawodd hwynt.

⁷Llefarodd wrthynt mewn colofn o niwl, cadwasant ei destiolaethau, a’r ddeddf [a] roddodd efe iddynt.

⁸Gwrandewaist arnynt ô Arglwydd ein Duw: Duw oeddit yn eu harbed, pan ddielit am eu gweithredoedd.

⁹Derchefwch yr Arglwydd ein Duw, ac ymgrymmwch ar ei fynydd sanctaidd, canys sanctaidd [yw]’r Arglwydd ein Duw.