Read William Morgan Bible 1588 original edition Diharebion 1 Bible Online

Diharebion 1 - William Morgan Bible 1588 original edition bible

Diharebion 1

¹1 Ffrwyth gair Duw, ai ofn. 10 Mor enbyd yw cydtuno a’r drygionus, 20 a dirmygu doethineb. Diharebion Salomon fab Dafydd brenin Israel,

²I ddyscu doethineb, ac addysc, i ddeall geiriau synhwyrol.

³I gymmeryd Dehallus athrawiaeth, cyfiawnder, a barn, ac uniondeb.

⁴I roi callineb i’r anghall, ag i’r bachgenyn ŵybodaeth, a synnwyr.

⁵Y doeth a wrendu, ac a chwanega ei athrawiaeth, a’r deallgar a ddaw i bwyll,

⁶I ddeall parabl ai ddeongl, geiriau’r doethion ai dammegion.

⁷Ofn yr Arglwydd yw dechreuad gwybodaeth: ffyliaid a ddiystyrant ddoethineb, ac addysc.

⁸Fy mab gwrando addysc dy dâd, ac nac ymado â chyfraith dy fâm.

⁹Canys cynnydd grâs a fyddant hwy i’th ben, a chadwyni i’th wddf di.

¹⁰Fy mab os pechaduriaid a’th ddênant, na chydtuna â hwynt.

¹¹Os dywedant, tyret gyd â ni, cynllwynwn am waed, nyni a ymguddiwn yn erbyn y gwirion yn ddiachos:

¹²Nyni ai llyngcwn hwy yn fyw fel y bedd, ac yn gyfan fel rhai yn descynn i’r pydew:

¹³Nyni a gawn bôb cyfoeth gwerth-fawr, nyni a lawnwn ein teiau ag yspail:

¹⁴Bŵrw dy goel-bren yn ein mysc; bydded vn pwrs i ni oll:

¹⁵Fy mab na rodia yn y ffordd gyd â hwynt, attal dy droed rhag eu llwybr hwy.

¹⁶Canys eu traed a redant i ddrygioni, ac a brysurant i dywallt gwaed.

¹⁷Gwaith ofer yw tânu rhwyd yng-olwg pôb perchen aden.

¹⁸Felly y maent hwy yn cynllwyn am eu gwaed hwynt: am eu henioes hwynt y maent yn llechu.

¹⁹Dymma lwybrau y rhai oll a ydynt chwannog i olud, [golud] â ddwg enioes ei pherchennogion.

²⁰Doethineb sydd yn gweiddi oddi allan, y mae hi yn llefain yn yr heolydd.

²¹Y mae hi yn galw mewn lleoedd vchel, mewn tyrfau yn nrysau y pyrth, ym [mhob] dinas y mae hi yn traethu ei hymadroddion.

²²Pa hŷd chwi ynfydion y cerwch chwi ynfydrwydd? a pha hŷd ô watwarwŷr y bydd hoff gennych watwariaeth? a pha hŷd y casâ ffoliaid ŵybodaeth?

²³Dychwelwch at fyng-hospedigaeth, wele mi a dywalltaf fy yspryd i chwi, fyng-eiriau a ddangosaf i chwi.

²⁴Yn gymmeint ac i mi eich gwahodd, a chwithau yn necau o ddyfod, i mi ystynn fy llaw oddi wrthif, a neb heb droi attafi:

²⁵Onid bod pawb yn tynnu yn ôl eu cefnau oddi wrth fy holl gyngor i, heb fod yn fodlon i’m cospedigaeth:

²⁶Minne hefyd a chwarddaf yn eich dialedd chwi, mi a escydwaf fy mhen, pan syrthio arnoch yr hyn yr ydych yn ei ofni.

²⁷Pan syrthio yr hyn yr ydych yn ei ofni arnoch megis destruw disymmwth, a phan nesao eich dialedd attoch megis tro-wynt, pan ruthro arnoch wascfa a chaledi:

²⁸Yna y galwant arnaf, ond ni wrandawaf, yn foreu i’m ceisiant, ond ni’m caant.

²⁹Canys câs fu ganddynt ŵybodaeth, ac ofn yr Arglwydd ni ddewisasant.

³⁰Ni chymmerent ddim o’m cyngor i, ond dirmygu fy holl gospedigaeth.

³¹Am hynny hwy a gânt fwyta ffrwyth eu ffordd eu hunain, ai llenwi ai cynghorion eu hunain.

³²Canys esmwythtra y rhai anghall ai lladd hwy: a llwyddiant y rhai ffôl ai difetha hwynt.

³³Er hynny y sawl a wrandawo arnafi a gaiff aros yn ddiogel, ac a gaiff lonyddwch oddi wrth fraw drwg.