Read William Morgan Bible 1588 original edition Diharebion 10 Bible Online

Diharebion 10 - William Morgan Bible 1588 original edition bible

Diharebion 10

¹Diharebion Salomon.Mâb doeth a lawenhâ ei dâd, a mâb ffôl a dristhâ ei fam.

²Ni thyccia tryssorau drygioni, ond cyfiawnder a wared rhag angeu.

³Ni edu’r Arglwydd i enaid y cyfiawn newynu: ond efe a chwâl ymmaith gyfoeth y drygionus.

⁴Y neb a weithio â llaw dwyllodrus fydd tlawd: ond llaw y rhai llafurus ai cyfoethoga hwynt.

⁵Mab synhwyrol yw yr hwn a gascl amser haf: ond mab gwradwyddus yw yr hwn a gwsc amser cynhaiaf.

⁶Bendithion a fyddant ar ben y cyfiawn, ond trawsedd a gâe ênau y drygionus.

⁷Coffadwriaeth y cyfiawn sydd fendigedic, ond enw y drygionus a bydra.

⁸Y galon ddoeth a dderbyn y gorchymynnion, ond y ffôl ai blina ai wefusau ei hun.

⁹Y neb a rodio yn ddiragrith a rodia yn ddiogel, ond y neb a gamdrŷ ei ffyrdd a fydd hynod.

¹⁰Y neb a amneidio ai lygad a bair flynder, a’r ffôl ei wefusau ai blina ei hunan.

¹¹Ffynnon bywyd yw genau y cyfiawn, ond trawsedd a gâe ênau y drygionus.

¹²Casineb a gyfyd cynnenn, ond cariad a guddia bob camwedd.

¹³Yng-wefusau y synhwyrol y ceir doethineb, a gwialen [a wedde] i gefn yr angall.

¹⁴Y doethion a storiant ŵybodaeth, ond dinistr sydd gyfagos i enau y ffôl.

¹⁵Cyfoeth y cyfoethog yw caer ei gadernid ef, ond ofn y tlodion yw eu tlodi.

¹⁶Gwaith y cyfiawn sydd tu ag at fywyd, ond gwaith y drygionus tu ag at bechod.

¹⁷Ffordd i fywyd yw’r neb a gadwo addysc, ond y neb a wrthodo [gospedigaeth] sydd yn cyfeiliorni.

¹⁸Gwefusau celwyddog a guddiant gâs, a’r neb a ddywed enllib sydd ffôl.

¹⁹Yn amlder geiriau ni phalle fod pechod, ond y neb a attalio ei wefusau sydd synhwyrol.

²⁰Tafod y cyfiawn sydd arian detholedig, ond calon y drygionus ni thâl ddim.

²¹Gwefusau y cyfiawn a borthant lawer, ond y ffyliaid o ddiffic synwyr a fyddant feirw.

²²Bendith yr Arglwydd a gyfoethoga, ac ni ddwg orthrymder gyd â hi.

²³Hyfryd gan ffôl wneuthur drwg, a chan ŵr synhwyrol [ymarfer] â doethineb.

²⁴Y peth a ofno y drygionus a ddaw iddo, ond y peth a ddeisyfio y rhai cyfiawn [Duw] ai rhydd iddynt.

²⁵Ni saif y drygionus mwy na’r tro-wynt yn myned heibio: ond y cyfiawn sydd fel sylfaen a beru byth.

²⁶Megis finegr i’r dannedd, a mŵg i’r llygaid, felly y bydd y diog i’r neb ai gyrrant [i vn-lle.]

²⁷Ofn yr Arglwydd a chwanega y dyddiau: ond blynyddoedd y drygionus a fyrheir.

²⁸Gobaith y cyfiawn yw llawenydd, ond hyder y drygionus a ddefydd am dano.

²⁹Ffordd yr Arglwydd [sydd] gadernid i bôb dŷn perffaith: a braw i’r rhai a wnant anwiredd.

³⁰Y cyfiawn nid yscog byth, ond y drygionus ni phresswyliant y ddaiar.

³¹Genau y cyfiawn a draetha ddoethineb yn ddigonol, a’r tafod anwir a dorrir ymmaith.

³²Gwefusau y cyfiawn a gânt ŵybod ewyllys da [Dûw,] ond genau’r drygionus a [gânt ŵybod] eu trawsedd.