Read William Morgan Bible 1588 original edition Diharebion 11 Bible Online

Diharebion 11 - William Morgan Bible 1588 original edition bible

Diharebion 11

¹Cloriannau anghywir idynt ffiaidd gan yr Arglwydd, ond pwys cymmwys sydd fodlon ganddo ef.

²Pan ddêl balchder, fe ddaw gwarth, ond gyd a’r gostyngedig y mae doethineb.

³Perffeithrwydd yr iniawn ai tywys hwynt, ond trawsedd yr anffyddlonniaid ai difa hwynt.

⁴Ni thyccia cyfoeth yn nydd digofaint, ond cyfiawnder a wared rhag angeu.

⁵Cyfiawnder yr iniawn ai hyffordda ef, ond o achos ei ddrygioni y syrth y drygionus.

⁶Cyfiawnder y cyfiawn ai gwared hwynt, ond y rhai anffyddlon a ddelir yn eu drygioni.

⁷Pan fyddo marw y drygionus, fe a ddarfu am ei obaith ef, a ai obaith gadarn a gyfergollir.

⁸Y cyfiawn a waredir o gyfyngder, a’r drygionus a ddaw yn ei lê ef.

⁹Rhagrithiwr ai enau a lygra ei gymmydog, ond y cyfiawn a waredir drwy [ei] ŵybodaeth.

¹⁰Yr holl ddinas a ymlawenhâ o herwydd llwyddiant y cyfiawn: a phan gyfergoller y drygionus y bydd gorfoledd.

¹¹Trwy fendith y cyfiawn y derchefir y ddinas, ond trwy enau y drygionus y dinistrir hi.

¹²Y neb a ddiystyro ei gymmydog ynfyd yw, ond y synhwyrol a daw a sôn.

¹³Yr hwn a rodia ag athrod a ddatguddia gyfrinach, ond y ffyddlon ei galon a geidw beth yn gyfrinachol.

¹⁴Lle ni byddo callineb y bobl a syrthiant: ond lle y byddo llawer o gyngor-wŷr y bydd iechydwriaeth.

¹⁵Dryllir yn ddrylliau y neb a fachnio dros ddieithr-ddyn: ond y neb a gasâo fachniaeth fydd ddiofal.

¹⁶Gwraig rasol a gaiff afael ar anrhydedd, fel y caiff y galluog afael ar gyfoeth.

¹⁷Gŵr trûgarog a fydd dâ wrth ei enaid ei hun: ond yr a flino ei gnawd ei hûn sydd greulon.

¹⁸Y drygionus a wna waith twyllodrûs, ond i’r neb a hauo gyfiawnder y bydd gwobr siccr.

¹⁹Fel yr arwain cyfiawnder i fywyd: felly, dilyn drygioni a dywys i angeu.

²⁰Ffiaidd gan yr Arglwydd y neb ydynt gyndyn yn eu calonnau, eithr cymeradwy ganddo ef yw y rhai sy berffaith yn eu ffyrdd.

²¹Er maint fyddo cymmorth y drygionus ni bydd yn eûog: ond hâd y cyfiawn a waredir.

²²Fel modrwy aûr yn nhrwyn hŵch yw benyw lân heb ddeall.

²³Deisyfiad y cyfiawn sydd ar ddaioni yn unig: ond gobaith y drygionus sydd ddigter.

²⁴Rhyw vn a wascar ei dda, ac efe a gyfoethogir yn fwy: a rhyw vn arall a arbed ei dda, ac a syrth i dlodi.

²⁵Y gŵr hael a gaiff ddigon: a’r neb a ddwfrhâo a ddwfrheir.

²⁶Y neb a guddio ei ŷd, y bobl ai melldithia: ond bendith a fydd ar ben y neb ai gwertho.

²⁷Y neb a geisio ddaioni a ennill ewyllys da: ond y nêb a geisio ddrwg, iddo [ei hûn] y daw.

²⁸Y neb a roddo ei goel ar ei gyfoeth a syrthia: ond y rhai cyfiawn a flodeûant megis cangen.

²⁹Y neb a flino ei dŷ ei hun a berchennoga’r gwynt: a’r ffôl a wneir yn wâs i’r synhwyrol.

³⁰Ffrwyth y cyfiawn sydd megis pren y bywyd: a’r neb a ennillo eneidiau sydd ddoeth.

³¹Os y cyfiawn a gospir ar y ddaiar hon: pan nad mwy y drygionus a’r pechadur?