Read William Morgan Bible 1588 original edition Diharebion 12 Bible Online

Diharebion 12 - William Morgan Bible 1588 original edition bible

Diharebion 12

¹Y neb a garo addysc a gâr ŵybodaeth: ond y neb a gasâo gerydd anifeilaidd yw.

²Gŵr dâ sydd gymmeradwy gan yr Arglwydd: ond y gŵr sceler a ddamna efe.

³Ni chadarnheir dŷn drwy ddrygioni: ond gwraidd y cyfiawn ni yscôga.

⁴Gwraig rymmus sydd goron i’w gŵr: ond y wradwyddus sydd lwgr yn ei escyrn ef.

⁵Meddyliau y cyfiawn sydd gyfiawn: a dichellion y drygionus sydd dwyllodrus.

⁶Geiriau y drygionus sy yn cynllwyn am waed: ond genau’r iniawn ai gwared hwynt.

⁷Duw a ddifetha y drygionus, fel na byddant hwy: ond teulu y cyfiawn a saif.

⁸Yn ôl ei ddeall y canmolir gŵr: ond gŵr traws ei galon a ddiystyrir.

⁹Gwell yw’r hwn ai cydnebyddo ei hun yn wael, ac sydd wâs iddo ei hun: na’r ffrostiwr yr hwn sydd arno eisieu bara.

¹⁰Y cyfiawn a fydd ofalus am ei anifail: ond tosturiaeth y drygionus sydd greulon.

¹¹Y neb a lafurio ei dîr a ddigonir o fara: ond y neb a ganlyn ofer-wŷr anghall yw.

¹²Y drygionus sydd yn deisyf rhwyd drygioni: ond gwreiddin y cyfiawn a rydd [ffrwyth]

¹³Drwy ddrigioni ei wefusau y meglir y drygionus: ond y cyfiawn a ddiangc allan o gyfyngder.

¹⁴Trwy ffrwyth ei enau y digonir gŵr â daioni: a dŷn a dderbyn daledigaeth yn ôl ei weithredoedd.

¹⁵Ffordd yr ynfyd sydd iniawn yn ei olwg ei hun: ond y neb a wrandawo ar gyngor sydd gall.

¹⁶Mewn vn-dydd y dengys ynfyd ei ddigter: ond y call a guddia gywilydd.

¹⁷Y neb a ddywedo’r gwir a ddengys gyfiawnder: ond gau dyst [a draetha] dwyll.

¹⁸Rhyw ddyn a ddywed eiriau fel brath cleddyf: ond tafod doethion sydd feddyginiaeth.

¹⁹Gwefus gwirionedd a saif byth: ond tafod celwyddog ni saif funyd awr.

²⁰Dichell sydd yng-halon y rhai a ddychymmygant ddrwg: ond i gynghor-wyr heddwch y bydd llawenydd.

²¹Ni fwrir y cyfiawn i ddim blinder: ond y drygionus a lenwir â drwg.

²²Ffiaidd gan yr Arglwydd wefusau twyllodrus: ond y rhai a wnant yn ffyddlon a ryngant fodd iddo ef.

²³Gŵr pwyllog a gudd ŵybodaeth: ond calon ffyliaid a gyhoedda ffolineb.

²⁴Llaw’r diysceulus a deyrnasa: a llaw’r twyllodrus a dâl deyrn-ged.

²⁵Gofid yng-halon gŵr a bar iddi grymmu: ond gair dâ ai llawenhâ.

²⁶Y cyfiawn a ragora ar ei gymmydog: ond ffordd y rhai drygionus ai twylla hwynt.

²⁷Ni rostia y twyllodrus mo’r peth a heliodd: ond y dyn diysceulus a fwynhâ gyfoeth gwerthfawr.

²⁸Yn ffordd cyfiawnder y mae bywyd: ac yn ei llwybrau hi nid oes marwolaeth.