Read William Morgan Bible 1588 original edition Diharebion 13 Bible Online

Diharebion 13 - William Morgan Bible 1588 original edition bible

Diharebion 13

¹Mab doeth [a wrendu] ar athrawiaeth ei dad: ond gwatwar-wr ni wrendu ar gerydd.

²Gŵr da a fwynhâ ffrwyth ei enau ei hun: ac enaid yr anghyfiawn [a gaiff] ffrwyth trawsedd.

³Y neb a geidw ei enau a geidw ei enaid: ond y neb a estynno ei wefusau a ddinistrir.

⁴Enaid y diog a ddeisyf, ac ni chaiff ddim: ond enaid y diysceulus a ddigonir.

⁵Câs gan y cyfiawn eiriau celwyddog: ond [celwydd] a wna’r drygionus yn ffiaidd, ac a’i cywilyddia ef.

⁶Cyfiawnder a geidw y perffaith yn ei ffordd: ond annuwioldeb a ddymchwel y pechadur.

⁷Rhyw vn a ymffrostia ei fod yn gyfoethog, ac heb ddim ganddo: ac arall ei fod yn dlawd a chyfoeth lawer iddo.

⁸Iawn am enioes gŵr yw ei ddâ: ond y tlawd ni chlyw gerydd.

⁹Goleuni y cyfiawn a fydd disclaer: ond cannwyll y drygionus a ddiffoddir.

¹⁰Drwy falchedd yn vnic y cyffru cynnen: ond gyd a’r pwyllog y mae doethineb.

¹¹Golud yr hwn a gesclir drwy anwiredd a ddiflanna: ond y neb a gasclo â llaw [gywir] a chwanega ei [gyfoeth.]

¹²Gobaith diweddar a wanhâ’r galon: ond prenn y bywyd yw’r deisyfiad pan ddel i ben.

¹³Yr hwn a ddirmygo’r gair, a ddifethir oi blegit: ond yr hwn sydd yn ofni y gorchymyn a obrwyir.

¹⁴Cyfraith y doeth [sydd] ffynnon y bywyd, i gilio oddi wrth faglau angeu.

¹⁵Deall dâ a ddyry ras: ond ffordd y dirmyg-wŷr [sydd] galed.

¹⁶Pob call a wnâ [bethau] trwy ŵybodaeth: ond yr ynfyd a draetha ynfydrwydd,

¹⁷Cennad annuwiol a syrth i ddrygioni: ond cennad-wr ffyddlon [sydd] iechyd.

¹⁸Tlodi a gwradwydd [sydd] i’r hwn a wrthodo addysc: ond yr hwn a gadwo gerydd a anrhydeddir.

¹⁹Dymuniad wedi ei gyflawni sydd hyfryd gan yr enaid: ond ffiaidd gan ynfydion gilio oddi wrth ddrygioni.

²⁰Yr hwn a rodia gyd â doethion fydd doeth: ond yr hwn sydd gyfaill i ynfydion, a gystuddir.

²¹Drygfyd a ganlyn bechaduriaid: ond [Duw] a dâl ddaioni i’r rhai cyfiawn.

²²Y [gŵr] daîonus a ranna etifeddiaeth i feibion [ei] feibion: a golud y pechadur a roddwyd i gadw’r cyfiawn.

²³Llawer o ymborth [sydd] ym maes y tlodion: ond [maes] heb iawn drefn [sydd] anffrwythlon.

²⁴Yr hwn a arbedo y wialen, sydd yn casâu ei fab: ond yr hwn ai câr ef ai cerydda ef mewn amser.

²⁵Y cyfiawn a fwytu hyd oni ddigonir ef: ond bol yr annuwiolion fydd mewn eisieu.