Read William Morgan Bible 1588 original edition Diharebion 15 Bible Online

Diharebion 15 - William Morgan Bible 1588 original edition bible

Diharebion 15

¹Atteb arafaidd a ddetrŷ lîd: ond gair garw a gyffru ddigofaint.

²Tafod y synhwyrol a draetha ŵybodaeth yn dda: ond genaû y ffyliaid a dywallt ffolineb.

³Ym mhob lle y mae llygaid yr Arglwydd yn canfod y drygionûs a’r daionûs.

⁴Pren y bywyd yw tafod iach: ond trawsedd yr hwn sydd ynddo ef sydd megis terfysc gwynt.

⁵Dŷn ffôl a ddiystyra addysc ei dad, ond y neb a ddioddefo gerydd sydd gall.

⁶Yn nhŷ’r cyfiawn y bydd mawr gyfoeth: ond am olud yr annuwiol y mae trallod.

⁷Gwefûsau y doethion a wascarant ŵybodaeth: ond calon y ffŷliaid y peth nid yw iniawn.

⁸Aberth yr annuwiol sydd ffiaîdd gan yr Arglwydd: ond gweddi’r iniawn sydd gymeradwy ganddo ef.

⁹Ffordd yr annuwiol sydd ffiaidd gan yr Arglwydd: ond efe a gâr y neb a ddilyn gyfiawnder.

¹⁰Cerydd sydd flin gan y neb a drŷ oddi ar y ffordd: a’r neb a gasâo gospedigaeth a fydd marw.

¹¹Uffern a dinistr ydynt gerbron yr Arglwydd: pa faint mwy calonnau plant dynnion?

¹²Ni châr y gwatwar-wr mo’r neb ai ceryddo: ac ni ddaw ym mysc y doethion.

¹³Calon lawen a wna wyneb siriol: ond drwy ddolûr y tristeir y galon.

¹⁴Calon y synhwyrol a ymgais â gwybodaeth: ond genau y ffyliaid a borthir â ffolineb.

¹⁵Holl ddyddiau y tlawd ydynt flin: ond gwledd oestadol yw calon lawen.

¹⁶Gwell yw ychydig gyd ag ofn yr Arglwydd: na thryssor mawr â thrallod gyd ag ef.

¹⁷Gwell yw pryd o ddail lle byddo cariad: nag ŷch pascedic â châs gyd ag ef.

¹⁸Gŵr digllon a gyffru gynnen: ond gŵr dioddefgar a dyrr ymryson.

¹⁹Ffordd y diog sydd fel clawdd drain: ond ffordd yr iniawn sydd wastad.

²⁰Mab doeth a lawenhâ ei dad: ond uchel dyn ffol a diystyra ei fam.

²¹Ffolineb sydd hyfryd gan yr ynfyd: ond gŵr deallus a rodia yn iniawn.

²²Ofer yw meddyliau ni byddo cyngor: ac mewn amlder cynghorwŷr y sicrheîr [meddwl.]

²³Llawenydd fydd i ŵr o herwydd ymadrodd ei enaû, ac ô mor dda yw gair yn ei amser.

²⁴Ffordd y bywyd sydd frŷ i’r synhwyrol, i ochel uffern obrŷ.

²⁵Yr Arglwydd a ddiwreiddia dŷ’r beilchion: ond efe a gadarnhâ derfyn y weddw.

²⁶Meddyliau’r annûwiol sydd ffiaidd gan yr Arglwydd: ond geiriau’r glan ŷnt beraidd.

²⁷Y neb a fyddo drachwannog ei olwg a derfysca ei dŷ: ond y neb a gasâo roddion fydd byw.

²⁸Calon y cyfiawn a fyfyria i atteb: ond genau y drygionûs a draetha ddrwg.

²⁹Pell yw’r Arglwydd oddi wrth y rhai annuwiol: ond efe a wrendu weddi y cyfiawn.

³⁰Llewyrch y llygaid a lawenhâ’r galon: a henw da a frassâ’r escyrn.

³¹Y glûst a wrandawo ar gerydd y bywyd, a gaiff bresswylio ym mhlith y doethion.

³²Y neb a wrthodo addysc, a ddiystyra ei enaid ei hûn: ond y neb a wrandawo ar gerydd a feddianna ddeall.

³³Addysc doethineb yw ofn yr Arglwydd: ac o flaen anrhydedd yr aiff gostyngeiddrwydd.