Read William Morgan Bible 1588 original edition Diharebion 16 Bible Online

Diharebion 16 - William Morgan Bible 1588 original edition bible

Diharebion 16

¹Ym meddiant dŷn y mae meddyliau’r galon: ond ymadrodd y tafod sydd oddi wrth yr Arglwydd.

²Gŵr a dyb yn ei olwg ei hûn fod ei hôll ffyrdd yn lan: ond yr Arglwydd a bwysa yr ysprydion.

³Treigla dy holl weithredoedd ar yr Arglwydd: a’th feddyliau a gyfarwyddir.

⁴Yr Arglwydd a wnaeth bôb peth er ei fwyn ei hûn: a’r annuwiol hefyd erbyn y dydd drwg.

⁵Ffiaidd gan yr Arglwydd bôb dŷn vchel galon: er maint fyddo ei gymmorth ni bydd dieuog.

⁶Drwy drûgaredd a gwirionedd y deleuir pechod: am hynny trwy ofn yr Arglwydd ymado oddi wrth ddrwg.

⁷Pan fydd ffyrdd gŵr yn rhyngû bodd i’r Arglwydd: efe a bar iw elynnion fod yn heddychol ag ef.

⁸Gwell yw ychydic trwy gyfiawnder, na chnwd mawr trwy gam.

⁹Calon dŷn a ddychymmyg ei ffordd: ond yr Arglwydd a gyfarwydda ei gerddediad ef.

¹⁰Bydded pwyll yng-wefusau’r brenin: rhag gŵyro ei enau ef mewn barn.

¹¹Pwysau a chlorian cywir yr Arglwydd ai pie: ei waith ef yw hôll gerrig y gôd.

¹²Ffiaidd yw i frenhinoedd wneuthur annuwioldeb: canys drwy gyfiawnder y cadarnheir yr orsedd.

¹³Gwefûsau cyfiawn sydd gymmeradwy gan frenhinoedd, a’r brenin a gâr a draetho iniawndeb.

¹⁴Digofaint y brenin sydd megis cennad angeu: ond gŵr doeth ai bodlona hi.

¹⁵Yn siriol wynebpryd y brenhin y mae bywyd: ai ewyllys da ef sydd megis cwmylau glaw diweddar.

¹⁶Cael doethineb, ô mor well yw nag aur cloddiedig: a chael pwyll, mwy dymunol yw nag arian.

¹⁷Sarn y cyfiawn yw dychwelyd oddi wrth ddrwg: y neb a gadwo ei ffordd, a geidw ei enaid.

¹⁸Balchder sydd yn myned o flaen dinistr: ac vchelder yspryd o flaen cwymp.

¹⁹Gwell yw bod yn ostyngedig gyd a’r gostyngedig: na rhannu’r yspail gyd a’r beilchion.

²⁰Y call y ei fatter a ddaw i ddaioni: a’r neb a ymddiriedo yn yr Arglwydd, ô gwyn ei fyd hwnnw.

²¹Y doeth ei galon a elwir yn ddehallus, a melysder y gwefusau a chwanega ddysceidiaeth.

²²Ffynnon y bywyd yw deall iw pherchennog: ond addysc ffyliaid yw [ffynnon] ffolineb.

²³Calon y doeth a reola ei enau ef yn synhwyrol: a thrwy ei wefusau y chwanega addysc.

²⁴Geiriau têg ydynt ydynt megis dil mel, yn felus i’r enaid, ac yn iachus i’r escyrn.

²⁵Mae ffordd a dybir ei bod yn iniawn yng-olwg gŵr: ond ei ddiwedd a dywys i farwolaeth.

²⁶Y dyn blîn a bar flinder iddo ei hun: canys ei ymadrodd sydd yn troi arno ei hun.

²⁷Dŷn i’r fall sydd yn cloddio drwg: ac ar ei wefusa yr erys efe fel tân poeth.

²⁸Dŷn cyndyn a bar ymryson: a’r athrodwr a nailltua dywysogion.

²⁹Gŵr traws a huda ei gymmydog: ac ai tywys ar hyd ffordd nid yw dda.

³⁰Y neb a gâed ei lygaid wrth ddychymmyg trawsedd, ac a friwa yn [fân] ei eiriau a wna ddrwg.

³¹Coron anrhydeddus yw henaint, os bydd hi mewn ffordd cyfiawnder.

³²Gwell ywr diog i ddigofaint na’r cadarn: a’r neb â reola ei yspryd ei hûn sydd well na’r hwn â enillo ddinas.

³³Y coel-bren â fwrir i’r arffed: ond oddi wrth yr Arglwydd y mae ei holl lywodraethiad ef.