Read William Morgan Bible 1588 original edition Diharebion 17 Bible Online

Diharebion 17 - William Morgan Bible 1588 original edition bible

Diharebion 17

¹Gwell yw tammed o [fara] sych, â llonyddwch gyd ag ef: na thŷ yn llawn o aberthau gyd ag ymryson.

²Gwâs synhwyrol a feistrola ar fab gwradwyddûs: ac a ranna’r etifeddiaeth rhwng brodyr.

³Y tawdd llestr sydd i’r arian, a’r bibell i’r aûr, ond yr hwn â brawf y calonnau yw’r Arglwydd.

⁴Y drygionus a wrendu ar wefus anwir: y celwyddog a rydd glûst i dafod drwg.

⁵Y neb a watwar y tlawd sydd yn gwradwyddo ei greawdr ef: a’r neb a ymddigrifo mewn trallod ni bydd dieuog.

⁶Coron yr henaf-gwŷr yw eu hwyrion: ac anrhydedd y plant yw eu tadau.

⁷Anweddaidd yw i ffol ymadrodd rhagorol: mwy o lawer i bendefig ymadrodd celwyddog.

⁸Maen gwerth-fawr yw anrheg yng-olwg y dŷn ai caro: â pha le bynnac y trô hi a ffynna.

⁹Y neb a guddia bechod, sydd yn ceisio cariad: ond y neb a adnewydda fai sydd yn nailltuo tywysogion.

¹⁰Un senn a ddychryn y call yn fwy na phe baeddit y ffol gan-waith.

¹¹Y dyn terfyscus sydd ai fryd ar ddrwg yn vnic: a chennad greulon a anfonir yn ei erbyn.

¹²Gwell i ŵr gyfarfod ag arthes wedi difetha ei chenawon, nag a’r ffôl yn ei ffolineb.

¹³Y neb a dalo ddrwg dros dda, nid ymedû drwg ai dŷ ef.

¹⁴Pen y gynnen sydd megis yn agoryd argae: am hynny cyn rhedeg o honi yn rhy bell gad ymmaith ymryson.

¹⁵Y neb a gyfiawnhao y drygionus, ac a gondemnio y gwirion: cyn ffiaiddied gan yr Arglwydd y naill ar llall.

¹⁶Pa ham y bydd pris yn llaw’r ffol, ac yntef heb galon i berchennogi doethineb.

¹⁷Cydymaith a gâr bob amser: ond gwir frawd a ymddengys mewn angen.

¹⁸Dŷn heb pwyll a gynnig ei law i fachnio dros ei gymmydog.

¹⁹Y neb sydd hoff ganddo ymsennu, sydd hoff ganddo bechod, a’r hwn sydd yn gwneuthur ei ddrws yn vchel sydd yn ceisio niwed.

²⁰Y trawsn ei galon ni chaiff ddaioni: a’r hwn sydd drofaus yn ei dafod a syrth i ddrwg.

²¹Y neb a genhedlo ffol [a ennill] iddo ei hûn dristwch: ac ni bydd llawen tad yr ynfyd.

²²Calon lawen a bar iechyd: ond meddwl trwm a sŷch yr escyrn.

²³Yr annuwiol a dderbyn rodd o fynwes, i gamdroi llwybrau barn.

²⁴Doethineb sydd yn wyneb y dehallgar: ond llygaid y ffyliaid [a wibbiant] drwy gyrrau’r bŷd.

²⁵Mab ffôl a bar ddigllonedd iw dâd: a chwerwder iw fam.

²⁶Hefyd nit da dirwy’r cyfiawn: a baeddû y penaethiaid [pan fyddant] ar yr iawn.

²⁷Gŵr synhwyrol a attal ei ymadroddion: a gŵr pwyllog sydd ymarhoeûs ei yspryd.

²⁸Y ffôl tra tawo a son a gyfrifir yn ddoeth: a’r neb a gaeo ei wefusau sydd bwyllog.