Read William Morgan Bible 1588 original edition Diharebion 18 Bible Online

Diharebion 18 - William Morgan Bible 1588 original edition bible

Diharebion 18

¹Y nailltuol a gais ei ddeisyfiad [ei hûn:] ac a ymmyr â phob peth.

²Y ffôl nid hoff ganddo wybodaeth: ond traethu ei feddwl ei hûn a gâr efe.

³Wrth ddyfodiad y drugionus y daw diystyrwch: a chyd a’r gwael gwradwydd.

⁴Geiriau yng-enau gŵr [ardderchawg] ynt fel dyfroedd dyfnion: a ffynnon doethineb sydd megis afon redegog.

⁵Nit da derbyn wyneb yr annuwiol: gan wneuthur cam ar cyfiawn mewn barn.

⁶Gwefusau y ffôl a ddechreûant gynnen: ai enau a eilw am ddyrnodiau.

⁷Genau y ffôl ai dinistr ei hun: ai wefusau ef ynt fagl iw enaid.

⁸Geiriau’r athrod-wr ydynt megis archollion: ac a ddescynnant i gilfachau y bol.

⁹Y neb a fyddo diog yn ei waith sydd wir frawd i’r llygrwr.

¹⁰Tŵr cadarn yw enw’r Arglwydd: atto y rhed y cyfiawn, ac efe a dderchefir yn ddiogel.

¹¹Cyfoeth y cyfoethog sydd iddo yn ddinas gadarn, ac yn fûr vchel, yn ei dŷb ei hun.

¹²Cyn dinistr y balchia calon gŵr: a chyn anrhydedd yr aiff gostyngeiddrwydd.

¹³Y neb a attebo beth cyn ei glywed, ffolineb a chywilydd fydd iddo.

¹⁴Yspryd gŵr a gynnal ei ddolur: ond yspryd cystuddiedig pwy ai cyssura?

¹⁵Calon y pwyllog a berchennoga wybodaeth: a chlûst y doethion a gais ddeall.

¹⁶Rhodd dŷn a ehanga arno: ac ai dwg ef ger bron penaethiaid.

¹⁷Y cyntaf yn ei hawl a dybbir ei fod yn gyfiawn: hyd pan ddelo ei gymmydog ai chwilio ef.

¹⁸Y coel-bren a wna i gynhennau beidio, ac a athrywyn rhwng cedyrn.

¹⁹Anhaws yw ennill ewyllys da brawd pan ddigier, na dinas gadarn: ai ymryson rhwng brodyr sydd megis trosol castell.

²⁰A ffrwyth genau gŵr y diwellir ei fol: ac o ffrwyth y gwefusau y digonir pob dŷn.

²¹Angeu a bywyd ydynt ym meddiant y tafod: ac fel i bo hoff [ei arfer] ef y bwyteir ei ffrwyth ef.

²²Y neb sydd yn cael gwraig [rinweddol] sydd yn cael peth daionus: ac yn derbyn ewyllys da gan yr Arglwydd.

²³Y tlawd a ymbil: a’r cyfoethog â ettyb yn erwin.

²⁴Y neb y mae iddo gefeillion, cadwed gariad: canys nês yw gŵr caredig na brawd.