Read William Morgan Bible 1588 original edition Diharebion 19 Bible Online

Diharebion 19 - William Morgan Bible 1588 original edition bible

Diharebion 19

¹Gwell yw’r tlawd â rodio yn ddiragrith: na’r [cyfoethog] yr hwn sydd draws ei wefusau, ac yntef yn ffôl.

²Yr enaid heb ni ŵyr ddrwg [dros dda] ar traed rhy gyflym a bechant yr vn funyd.

³Ffolineb dŷn ai trŷ oddi ar y ffordd: ai galon a ddigia yn erbyn yr Arglwydd.

⁴Cyfoeth a chwanega lawer o gefeillion: a’r tlawd a ddidolir oddi wrth ei gymmydog.

⁵Tyst celwyddog ni bydd dieuog: a lluniwr celwyddau ni ddiangc.

⁶Llawer a ymbiliant o flaen pendefig: a phawb sydd gefaill i’r hael.

⁷Holl frodyr y tlawd ai casânt ef: îe ei gyfeillion a gadawant: er maint a ymnheddo, ni throant atto.

⁸A neb sydd gall a gâr ei enaid: ac a geidw ddeall er mwyn ennill daioni.

⁹Tyst celwyddog ni bydd dieuog: a thraethwr celwyddau a ddifethir.

¹⁰Nid gweddaidd i ffol lawenfyd: anweddeiddiach o lawer i wâs arglwyddiaethu ar bennaethiaid.

¹¹Synnwyr dŷn a oeda ei ddigofaint: a harddwch yw iddo fyned tros fai.

¹²Llid y brenin sydd megis rhuad llew ieuangc: ond ei ewyllys da sydd megis gwlith ar las-wellt.

¹³Mab ffôl sydd orthrymder iw dad: ac ymserth gwraig sydd megis defni parhaus.

¹⁴Tŷ, a chyfoeth ynt etifeddiaeth y tadau: ond rhodd yr Arglwydd yw gwraig bwyllog.

¹⁵Syrthni a bar drym-gwsc: ac enaid twyllodrus a newyna.

¹⁶Y neb a gadwo’r gorchymyn a geidw ei enaid: a’r neb a ysceulusa ei ffyrdd fydd marw.

¹⁷Y neb a gymmero drugaredd ar y tlawd, sydd yn rhoddi echwyn i’r Arglwydd: ai rodd a delir iddo drachefn.

¹⁸Cerydda dy fab tra fyddo gobaith: ac nac arbeded dy enaid ef iw ddifetha.

¹⁹Bydd dra digofus wrth faddeu bai: [gan ddywedyd,] os ti ai gwaredi y waith honno, y cospi [ef] amser arall yn fwy o lawer.

²⁰Gwrando gyngor a chymmer addysc, fel y byddech ddoeth yn dy ddiwedd.

²¹Bwriadau lawer sydd yng-halon dŷn: ond cyngor yr Arglwydd a saif.

²²Trugaredd yw’r peth a ddyle ddŷn fwyaf ei ddeisyfu: ond gwell yw’r tlawd na’r gŵr celwyddog.

²³Ofn yr Arglwydd a dywys i fywyd: a’r neb fyddo llawn o honaw a erys heb i ddrwg ymweled ag ef.

²⁴Y dŷn swrth a gudd ei law yn ei fynwes: ac ni escyn hi at ei enau.

²⁵[Os] tarewi di watwarwr yna’r ehud fydd cyfrwysach, a phan geryddech y dehallus efe a ddeall wybodaeth.

²⁶Mab gwradwyddus gwarthus a anrheithia ei dad: ac a yrr ei fam ar grwydr.

²⁷Fy mab, paid a gwrando yr addysc a bar i ti gyfeiliorni oddi wrth eiriau gwybodaeth.

²⁸Tyst y fall a watwar farn: a genau’r drygionus a lwngc anwiredd.

²⁹Barn sydd barod i’r gwatwar-wŷr: a chleisiau i gefn y ffyliaid.