Read William Morgan Bible 1588 original edition Diharebion 2 Bible Online

Diharebion 2 - William Morgan Bible 1588 original edition bible

Diharebion 2

¹Duw yn rhoddi doethineb yr hon sydd yn dyscu ofni Duw, 10 Ac yn cadw oddi wrth ddrygioni. Fy mab os derbynni di fyng-eiriau, ac os cuddi fyng-orchymynnion gyd â thi.

²Os peri i’th glustiau wrando ar ddoethineb, ac y gogwyddi dy galon at ddeall:

³Ac hefyd os gelwi ar ôl gŵybodaeth, os llefi am ddeall,

⁴Os chwili am dani fêl am arian, os cloddi am dani fel am dryssorau,

⁵Yna y cei ddeall ofn yr Arglwydd, ac y cei ŵybodaeth o Dduw.

⁶Canys yr Arglwydd pie rhoi doethineb, allan oi enau ef y mae gŵybodaeth a deall [yn dyfod.]

⁷Y mae ganddo ef yng-hadw i’r rhai iniawn iechydwriaeth: tarian yw efe i’r sawl a rodiant yn ddiragrith.

⁸Y mae efe yn cadw ffordd ei sainct, fel y gallant gadw llwybrau barn.

⁹Yna y cei di ddeall cyfiawnder, a barn, ac iniondeb, a phob llwybr daionus.

¹⁰Pan ddelo doethineb i mewn i’th galon, a phan fyddo hyfryd gan dy enaid ŵybodaeth,

¹¹Yna cyngor a’th warche, a synwyr a’th geidw.

¹²Hi a’th achub di oddi wrth y ffordd ddrwg, ac oddi wrth y dŷn a lefaro drawsedd.

¹³Ac oddi wrth y rhai a ymadawant a’r llwybrau iniawn er mwyn rhodio mewn ffyrdd tywyll.

¹⁴Y rhai a ymlawenychant yn gwneuthur drwg, ac a ymddigrifant yn anwiredd y drygionus.

¹⁵Y rhai sydd ai ffyrdd yn geimion, ac yn war-syth yn eu llwybrau.

¹⁶Ac yna i’th waredir oddi wrth y fenyw estronaidd, oddi wrth y ddieithr wenieithus ei geiriau.

¹⁷Yr hon a ymedu a llywodraeth-wr ei hieuengctid, ac a ollwng dros gof gyfammod ei Duw.

¹⁸Canys y mae ei thŷ yn gŵyro at angeu, ai llwybrau at y meirw.

¹⁹Y rhai oll a elont i mewn atti hi ni ddychwelant, ac nid ymafaelant yn ffyrdd y bywyd.

²⁰Am hynny rhodia di rhyd ffordd gwŷrda, a chadw ffordd y cyfiawn.

²¹Canys y gwŷr cyfiawn a bresswyliant y ddaiar, a’r rhai diragrith a gânt aros ynddi.

²²Ond yr annuwolion a dorrir oddi ar y ddaiar, a’r trossedd-wŷr a ddiwreiddir allan o honi hi.