Read William Morgan Bible 1588 original edition Diharebion 20 Bible Online

Diharebion 20 - William Morgan Bible 1588 original edition bible

Diharebion 20

¹Gwatwarus yw gwin, a therfyscaidd yw diod gadarn: pwy bynnac a sommer ynddi nid yw ddoeth.

²Megis rhuad llew ieuangc yw ofn y brenin: y mae pwy bynag ai cyffrô ef i ddigofaint yn pechu yn erbyn ei enaid ei hun.

³Anrhydeddus yw i ŵr beidio ag ymryson: ond pob ffôl a fynn ymmyrreth.

⁴Y diog ’r hwn nid ardd o herwydd [oerder] y gaiaf, a aiff i gardotta yr haf, pryd na byddo dim ganddo ef.

⁵Megis dyfroedd dyfnion yw pwyll yng-halon gŵr: etto’r gŵr call ai tynn allan.

⁶Llawer dŷn a gyhoedda ei drugaredd, ond pwy a gaiff ŵr ffyddlon?

⁷Plant y cyfiawn a rodio yn iniawn, gwyn eu bŷd ei blant ar ei ôl.

⁸Brenin yn eistedd ar orsedd barn a wascar ai lygaid bob drwg.

⁹Pwy a ddichon ddywedyd? mi a garthais fyng-halon: glân wyf oddi wrth fy mhechod.

¹⁰Amryw bwysau ac amryw fesurau: ffiaidd gan yr Arglwydd bob vn o’r ddau.

¹¹Bachgen a adweinir wrth ei ymddygiad: ai pûr ai iniawn yw ei waith.

¹²Yr Arglwydd a wnaeth bob vn o’r ddau, y glust i glywed, ar llygad i weled.

¹³Na char gyscu rhag dy fyned yn dlawd: agor dy lygaid, fel i’th ddigonir a bara.

¹⁴Drwg, drwg, medd y prynwr: ond pan el o’r nailldu efe a ganmola ei hun.

¹⁵[Gwerth-fawr] yw aur a gemmau lawer: ond gwefusau gwybodaeth ydynt ddodrefn gwerthfawroccach.

¹⁶Cymmer wisc y gwr a fachnio dros estron: a chymmer wystl gan y neb a fachnio dros estrones.

¹⁷Melus gan ŵr fara [trwy] ffalsedd: ond o’r diwedd ei enau a lenwir â gro.

¹⁸Siccrhâ dy fwriadau drwy gyngor: a thrwy gyngor diysceulus dos i ryfela.

¹⁹Y neb a ddadcuddia gyfrinach, y neb a fyddo yn athrodwr, a’r ehud ei wefusau na ymmyr â hwynt.

²⁰Y neb a felldithio ei dad ai fam, ei gannwyll a ddiffoddir yn y tywyllwch dû.

²¹Yr etifeddiaeth a geir ar frys yn y dechreuad, ni ffynna yn y diwedd.

²²Na ddywet, mi a dala ddrwg: disgwil wrth yr Arglwydd ac efe a’th achub.

²³Ffiaidd gan yr Arglwydd amryw bwysau: a chlorian twyllodrus nid yw dda.

²⁴Gan yr Arglwydd [y fforddir] llwybrau gŵr: ond beth a ddeall dŷn oi ffordd oi ffordd.

²⁵Magl yw i ŵr lyngcû peth cyssegredig: ac wedi ei addunedau ymofyn.

²⁶Brenin doeth a wascar yr annûwiol: ac a drŷ’r olwyn arnynt.

²⁷Megis cannwyll yr Arglwydd yw enaid dŷn yr hon fydd yn chwilio holl gelloedd y bol.

²⁸Trugaredd a ffyddlondeb a gadwant y brenin; ai orseddfa a gadarnheir drwy drugaredd.

²⁹Harddwch gwŷr ieuaingc [yw] eu nerth: ac anrhydedd henafgwŷr yw gwallt gwyn.

³⁰Cleisiau, briwiau, a dyrnodiau yn curo celloedd y bol, ydynt scrafellau [i gosi]’r annuwiol.