Read William Morgan Bible 1588 original edition Diharebion 21 Bible Online

Diharebion 21 - William Morgan Bible 1588 original edition bible

Diharebion 21

¹Fel afonydd o ddwfr y may calon y brenin yn llaw’r Arglwydd: efe ai trŷ hi lle y mynno ei hun.

²Gŵr sydd yn tybied yn ei olwg ei hun ei fod yn iniawn ym mhob ffordd: ond yr Arglwydd a bwysa y calonnau.

³Gwneuthur cyfiawnder a barn sydd well gan yr Arglwydd nag aberth.

⁴Uchelder golwg, a balchder calon [a] brynar annuwiol sydd bechod.

⁵Bwriadau y diysceulus ydynt êlw yn vnic: ond [bwriadau] pob ysceulus [ai dygant mewn] eisieu.

⁶Tryssorau a gascler â thafod celwyddog, a chwelir megis gwagedd: y neb [ai ceisiant] sydd yn ceisio angeu.

⁷Anrhaith yr annuwiol a erys gyd â hwynt: canys gwrthododant wneuthur cyfiawnder.

⁸Y dyn dauddyblig yn ei ffyrdd sydd estronaidd: ond y pur sydd iniawn ei waith.

⁹Gwell yw bod mewn congl yn nenn tŷ: na bod gyd â gwraig anynad mewn tŷ ehang.

¹⁰Enaid yr annuwiol a ddeisyfia ddrwg: nid grasusol yw ei gymmydog yn ei olwg ef.

¹¹Pan gosper gwatgwar-wr y bydd yr ehud callach: a phan ddyscer y doeth, efe a dderbyn ŵybodaeth:

¹²Call y mae y cyfiawn yn ystyried am dŷ yr annuwiol [fod Duw] yn defetha y rhai annuwiol am [eu] drygioni.

¹³Y neb a gaeo ei glust rhag llef y tlawd: a lefain ei hunan, ac ni’s gwrandewir ef.

¹⁴Rhodd yn y dirgel a dyrr ddigofaint: a rhoddiad yn y fynwes [a yrr ymmaith] lîd cryf.

¹⁵Llawen gan y cyfiawn wneuthur cyfiawnder: ond dinistr [fydd] hynny i weithwyr anwiredd.

¹⁶Dyn yn myned ar gyfeiliorn oddi ar ffordd callineb a orphywys yng-hynnulleidfa y meirw.

¹⁷Y neb a garo wledda a ddaw i dlodi: a’r neb a garo wîn, ac olew ni bydd cyfoethog.

¹⁸Yr annuwiol [a roddir] yn iawn dros y cyfiawn, a’r anffyddlon dros yr iniawn.

¹⁹Gwell yw aros yn yr anialwch, na chyd â gwraig anynad ddigllon.

²⁰Tryssor deisyfiadwy, ac olew sydd ym mhebyll y doeth: ond dŷn ffôl ai llwngc hwynt.

²¹Y neb a ddilyno gyfiawnder, a thrugaredd a gaiff fywyd, cyfiawnder, ac anrhydedd.

²²Y doeth a ddringa [i ben] dinas y cedyrn, ac a fwrw i lawr y cadernid y mae hi yn hydêru arno.

²³Y neb a gadwo ei enau ai dafod, a geidw ei enaid rhag cyfyngder.

²⁴Y balch, y gwar-galed, [a’r] gwatwarus, yw henw y gŵr a wnelo yn falch yn ei ddigllondeb.

²⁵Deisyfiad y diog ai lladd ef: canys ei ddwylo a wrthodant weithio:

²⁶Yn hŷd y dydd y deisyf efe rywbeth: ond y cyfiawn a rydd, ac ni attal efe [ei law.]

²⁷Aberth y rhai annuwiol sydd ffiaidd: pa faint mwy, pan offrymmant yn sceler?

²⁸Tyst celwyddog a ddifethir: ond y gŵr a wrandawo a lefara bob amser.

²⁹Gŵr annuwiol a galêda ei wyneb: ond yr iniawn a drefna ei ffordd.

³⁰Nid oes ddoethineb, na deall, na chyngor yn erbyn yr Arglwydd.

³¹Y march a ddarperir erbyn dydd rhyfel: ond iechydwriaeth sydd eiddo yr Arglwydd.