Read William Morgan Bible 1588 original edition Diharebion 22 Bible Online

Diharebion 22 - William Morgan Bible 1588 original edition bible

Diharebion 22

¹Mwy dymunol yw enw da, na chyfoeth lawer: a gwell yw grâs nag arian ac nag aur.

²Y tlawd a’r cyfoethog a gyd cyfarfuant: ond yr Arglwydd yw gwneuthydd y rhai hyn oll.

³Y call a genfydd ddrwg, ac a ymgudd: ond y ffyliaid a ânt rhagddynt, ac hwy a gospir.

⁴Gobr gostyngeiddrwydd, ac ofn yr Arglwydd yw cyfoeth, anrhydedd, a bywyd.

⁵Drain a maglau ŷnt yn ffordd y cyndyn: y neb a gadwo ei enaid a ffŷ ym mhell oddi wrthynt hwy.

⁶Hyfforddia fâb ym mhen ei ffordd: a phan heneiddio nid ymedu â hi.

⁷Y cyfoethog a arglwyddiaetha ar y tlawd: a gwâs fydd yr hwn a gaffo fenthyg i’r gŵr a roddo fenthyg.

⁸Y neb a hauo anwiredd a feda flinder: ac a balla trwy wialen ei ddigofaint ef.

⁹Yr hael ei lygad a fendithir: canys efe a rydd oi fara i’r tlawd.

¹⁰Bwrw allan y gwatwar-wr, a’r gynnen a aiff allan [gyd ag ef] ie’r ymryson, a’r gwarth a dderfydd.

¹¹Y neb a garo lendid calon [trwy] râs ei wefusau a [gaiff] y brenin yn gydymmaith.

¹²Llygaid yr Arglwydd a gadwant ŵybodaeth, ac efe a ddinistria eiriau yr anwir.

¹³Medd y diog, y mae llew oddi allan: fo’m lleddir yng-hanol yr heolydd.

¹⁴Ffôs ddyfn yw genau gwragedd dieithr: y neb y byddo’r Arglwydd yn ddig wrtho a syrth iddi.

¹⁵Ffolineb sydd yn rhwym yng-halon bachgen: ond gwialen cerydd ai gyrr ymmaith.

¹⁶Y neb a wasco ar y tlawd er chwanegu [ei gyfoeth,] a’r neb a roddo i’r cyfoethog a ddaw i dlodi.

¹⁷Gŵyra dy glust, a gwrando eiriau y doethion, a gosot dy galon ar fyng-ŵybodaeth mau fi.

¹⁸Canys peth pêraidd yw, os cedwi hwynt yn dy galon: ac os cymhwysir hwynt hefyd yn dy wefusau:

¹⁹Fel y byddo dy obaith yn yr Arglwydd yr dangosais i ti [hyn] heddyw [ystyria] dithe.

²⁰Oni scrifennais i ti [eiriau] ardderchog o gyngor, a gwybodaeth?

²¹I beri i ti adnabod siccrwydd gwiri eiriau, fel y gallit atteb geiriau y gwirionedd i’r neb a anfonent attat.

²²Nac yspeilia mo’r tlawd o herwydd ei fod yn dlawd: ac na sathr yr anghenus mewn barn.

²³Canys yr Arglwydd a ddadle drostynt, ac a orthrymma enaid y neb ai gorthrymmo hwynt.

²⁴Na fydd gydymmaith i’r digllon: ac na chyd-gerdda â gŵr llidiog:

²⁵Rhag i ti ddyscu ei lwybrau ef, a chael niwed i’th enaid.

²⁶Na fydd vn o’r rhai a roddant eu dwylo, [sef] o’r rhai a fachniant am ddylêd.

²⁷Oni bydd gennit i dalu, pa ham y cymmer efe dy welŷ di oddi tanat?

²⁸Na symmut mo’r hên derfyn yr hwn a osododd dy dadau.

²⁹A welaist ti ŵr diysceulus yn ei orchwyl? efe a saif ger bron brenhinoedd, ac ni saif ger bron yr issel-radd.