Read William Morgan Bible 1588 original edition Diharebion 26 Bible Online

Diharebion 26 - William Morgan Bible 1588 original edition bible

Diharebion 26

¹Nid gweddus i’r ffôl anrhydedd, mwy nac i’r haf eira neu i’r cynhaiaf law.

²Fel yr aderyn a gyrwydra, a’r wennol a ehêda: felly y felldith yr hon ni haedder ni ddescyn.

³Ffrewyll i farch, ffrwyn i assyn: a gwialen a [berthyn] i gefn yr ynfyd.

⁴Na atteb ynfyd fel [y mynne] ei ynfydrwydd, rhag dy gyffelybu iddo.

⁵Atteb yr ynfŷd fel [yr haedde] ei ynfydrwydd: rhag iddo fod yn ddoeth yn ei olwg ei hun.

⁶Y neb a yrro negesau gyd ag vn angall a gaiff gam megis pe torre draed [ei] gennad.

⁷Nid gogyhyd ysceiriau y clôff: felly dammeg o enau ffyliaid.

⁸Fel vn yn rhwymo carreg mewn tafl: felly y gwna’r neb a anrhydeddo ffôl.

⁹Fel draen yn myned i law dŷn meddw: felly y mae dihareb yng ngenau yr angall.

¹⁰Y cadarn yr hwn a lunniodd bob peth sydd yn gobrwyo y ffôl, ac yn talu i’r troseddwŷr.

¹¹Megis ci yn dychwelyd iw chwdfa: felly y mae y ffôl yr hwn a ddechreu ei ffolineb drachefn o newydd.

¹²A welaist di ŵr doeth yn ei olwg ei hun? gwell yw’r gobaith am ffôl nag am hwnnw.

¹³Y mae llew mawr ar y ffordd [medd y diog,] y mae llew yn yr heôlydd.

¹⁴Fel y drws yn troi ar ei golyn, felly [y trŷ]’r diog yn ei wely.

¹⁵Y diog a guddia ei law yn ei fynwes, a blin ganddo ei hestyn at ei enau trachefn.

¹⁶Doethach yw’r diog yn ei olwg ei hun, na seith-wŷr yn adrodd rheswm.

¹⁷Y neb wrth fyned heibio a ymmyrro mewn cweryl ni pherthyn iddo ei hun, sydd megis vn yn cymmeryd cî erbyn ei glustiau.

¹⁸Fel dŷn gwall-gofus yr hwn a daflo bentewynion tân, saethau, ac arfau marwolaeth:

¹⁹Felly y gwna gŵr twyllodrus ai gymmydog gan ddywedyd, ond cellwair yr oeddwn i?

²⁰Megis pan ddarfyddo’r coed y diffodda’r tân: felly pryd na byddo athrodwr y derfydd y gynnen.

²¹Gŵr cynhennus a ennynna gynnen, fel glô y marwor, a’r coed y tân.

²²Geiriau’r athrodwr ydynt megis rhai yn ymguro, a hwy a ddescynnant i gelloedd y bol.

²³Fel sorod arian wedi eu bwrw dros ddryll llestr pridd: felly y mae gwefusau poeth a chalon ddrwg.

²⁴Y digasog a ragrithia ai wefusau: ac yn ei galon yn dychymmyg twyll.

²⁵Pan ddywedo efe yn dêg nac ymddyriet iddo: canys y mae saith ffieidd-dra yn ei galon ef

²⁶Drwy gyfrwysder y cuddir digasedd: ond ei ddrygioni a ddatguddir yn y gynnulleidfa

²⁷Y neb a gloddio bydew a syrth ynddo, a’r neb a dreiglo garreg, atto y dychwel trachefn.

²⁸Y tafod celwyddog a gasâ’r neb a gystuddio efe, a’r genau gwenieithus a wna ddinistr.