Read William Morgan Bible 1588 original edition Diharebion 29 Bible Online

Diharebion 29 - William Morgan Bible 1588 original edition bible

Diharebion 29

¹Gwr a gerydder yn fynych ac a galeda ei warr, a ddryllir yn ddisymmwth fel na byddo meddiginiaeth.

²Pan amlhaer y cyfiawn y bobl a lawenychant: ond pan fyddo’r annuwiol yn llywodraethu y bobl a ocheneidiant.

³Gŵr a garo ddoethineb a lawenycha ei dad: ond y neb a fyddo gyfaill i butteiniaid a ŷssa ei dda.

⁴Brenin drwy farn a gadarnhâ ei deyrnas, ond y neb a garo anrhegion, ai dinistria hi.

⁵Y gŵr a ddywedo weniaith wrth ei gymmydog sydd yn gosod magl iw draed ef.

⁶Croglath ddrwg fydd i’r neb a becho: ond y cyfiawn a gân, ac a fydd lawen.

⁷Y cyfiawn a wrendu ar fatter y tlodion, ond yr annuwiol nid ystyria am ŵybod.

⁸Dynnion gwatwarus a ddifethant ddinas, ond y doethion a droant ymmaith ddigofaint.

⁹Gŵr doeth a ymrysono â dŷn ffôl pa vn bynnac a wnel efe ai digio, ai chwerthin, etto ni bydd llonyddwch.

¹⁰Gwŷr gwaedlyd a gasânt yr iniawn ond [gwŷr] iniawn a ymgais ag ef.

¹¹Y ffôl a dywallt ei hôll feddwl: ond gŵr doeth ai hattall hyd yn ôl llaw.

¹²Pan fyddo’r llywydd yn gwrando ar ffalsedd, ei hôll weision fyddant annuwiol.

¹³Tlawd a’r cyfoethog a gŷdgyfarfyddant, a’r Arglwydd a lewyrcha eu llygaid hwy ill dau.

¹⁴Y brenin a farno’r tlodion yn ffyddlon ei orsedd a beru byth.

¹⁵Y wialen a cherydd a rydd ddoethineb: ond mab a gaffo ei rwysc ei hun a gywilyddia ei fam.

¹⁶Pan amlhao’r rhai annuwiol yr amlhâ pechod: ond y rhai cyfiawn a welant eu cwymp hwynt.

¹⁷Dysc dy fab ac ti a gei lonyddwch: ac efe a bar hyfrydwch i’th enaid.

¹⁸Lle ni byddo gweledigaeth methu a wna’r bobl: ond y neb a gadwo’r gyfraith gwyn ei fŷd ef.

¹⁹Ni chymmer gwâs addysc ar eiriau: canys er ei fod yn deall etto nid ettyb.

²⁰A weli di ddŷn pryssur yn ei eiriau: gwell yw’r gobaith am y ffôl nag am dano ef.

²¹Y neb a ddygo ei wâs i fynu yn foethus oi febŷd, o’r diwedd efe a fydd [fel] mab [iddo.]

²²Gŵr digllon a enynna gynnen, a’r digllon sydd aml ei gamwedd.

²³Balchder dŷn ai bwrw i lawr, ond gostyngedig yspryd a gynnal anrhydedd.

²⁴Y neb a gyfranno â lleidr a gasâ ei enaid ei hun: a’r neb hefŷd a wrandawo ar beth melldigedig heb ei gyhuddo.

²⁵Yr hwn sydd yn ofni dŷn sydd yn gosod magl yn ei erbyn ei hun: ond y neb a ymddyriedo yn yr Arglwydd a dderchefir yn ddiogel.

²⁶Llawer a ymgeisiant ag wyneb y llywydd: ond yr Arglwydd pie barnu pob dŷn.

²⁷Ffiaidd gan y cyfiawn ŵr anwir: a ffiaidd gan yr annuwiol ŵr iniawn ei ffordd.