Read William Morgan Bible 1588 original edition Diharebion 3 Bible Online

Diharebion 3 - William Morgan Bible 1588 original edition bible

Diharebion 3

¹Cyngor i wrando tâd, 5 I wasanaethu Duw, 11 I dderbyn ei gospedigaeth, 22 Ac i ddilyn ei air ef. Fy mab na ollwng fyng-hyfraith i tros gof, ond cadwed dy galon di fyng-orchymynnion.

²Canys hwynt a estynnant dy ddyddiau, a blynyddoedd dy fywyd a’th heddwch.

³Na âd ti i drugaredd a gwirondeb ymadel â thi: cylymma hwy am dy wddf, scrifenna hwy ar lech dy galon.

⁴Felly y cei di râs, a deall da ger bron Duw, a dynnion.

⁵Gobeithia yn yr Arglwydd a’th holl galon, ac nac ymddyried i’th doethineb dy hûn.

⁶Yn dy holl ffyrdd cydnebydd di ef, ac efe a hyffordda dy lwybrau di.

⁷Na fydd ddoeth yn dy olwg dy hûn: ond ofna yr Arglwydd, a thynn ymmaeth oddi wrth ddrygioni.

⁸Hynny a fydd iechyd i’th fogel, a mêr i’th escyrn.

⁹Anrhydedda yr Arglwydd a’th gyfoeth, ac a’r peth pennaf o’th holl ffrwyth:

¹⁰Felly y llenwir dy yscuboriau â digonoldeb, a’th win-wryfoedd a lenwir o wîn newydd.

¹¹Fy mab na wrthot gerydd yr Arglwydd, ac na laesa ar ei gospedigaeth ef.

¹²Canys y neb a fyddo Duw yn ei garu, efe ai cerydda megis tâd ei fab annwyl.

¹³Gwyn ei fyd y dŷn a gaffo ddoethineb, a’r dŷn a ddygo ddeall allan.

¹⁴Canys gwell yw ei marsiandiaeth hi, na marsiandiaeth o arian, ei chynnyrch hi sydd well nag aur.

¹⁵Gwerthfawrocach yw hi nâ gemmau, a’r holl bethau dymunol nid ydynt gyffelyb iddi hi.

¹⁶Hir hoedl sydd yn ei llaw ddehau hi, ac yn ei llaw asswy y mae cyfoeth a gogoniant.

¹⁷Ei ffyrdd hi sydd ffyrdd hyfryd, ai holl lwybrau hi ydynt lwyddiannus.

¹⁸Pren bywyd yw hi i’r neb a ymaflo ynddi: gwyn ei fyd a ddalio ei afael ynddi hi.

¹⁹Yr Arglwydd trwy ddoethineb a seiliodd y ddaiar, trwy ddeall y siccrhaodd efe y nefoedd.

²⁰Drwy ei wybodaeth ef yr holltodd y dyfndêrau a’r cwmylau, ac y defnynna yr wybrennau wlith.

²¹Fy mab, na ollwng hwynt allan o’th olwg, cadw ddoethineb, a challineb.

²²Yna y byddant yn fywyd i’th enaid, ac yn râs i’th wddf.

²³Yna y cei di rodio dy ffordd yn ddiofal, ac ni friwi dy droed.

²⁴Pan orweddech, nid ofni, a’th gwsc fydd melys tra orweddech.

²⁵Nid rhaid it ofni [rhag] braw disymmwth, na rhag dinistriad yr annuwiol pan syrthio arnynt.

²⁶Canys yr Arglwydd a fydd dy hyder di, ac a geidw dy droed rhag ei ddal.

²⁷Na attal ddaioni oddi wrth y rhai y byddo ei esiau arnynt, pan allech ei wneuthur.

²⁸Na ddywet wrth dy gymmydog, cerdda ymmaith, a thyret amser arall, y fory mi a roddaf i ti [beth,] a chennyt [beth yn awr iw roddi iddo.]

²⁹Na feddylia ddrwg yn erbyn dy gymmydog, ac yntef yn trigo yn ddiofal yn dy ymyl.

³⁰Nac ymryson â neb heb achos, oddieithr iddo wneuthur drwg i ti.

³¹Na chenfigenna wrth ŵr traws, ac na ddewis yr vn oi ffyrdd ef.

³²Canys ffiaidd gan yr Arglwydd y [dyn] cyndyn, ond gyd a’r rhai iniawn y mae ei gyfrinach ef.

³³Melldith yr Arglwydd sydd yn-nhŷ yr annuwiol, ond efe a fendithia drigfa y cyfiawn.

³⁴Efe a watwar y gwatwarus, ond ei râs a rydd efe i’r vfydd.

³⁵Y doethion a etifeddant anrhydedd, a gwarth [fydd] derchafiad ffyliaid.