Read William Morgan Bible 1588 original edition Diharebion 30 Bible Online

Diharebion 30 - William Morgan Bible 1588 original edition bible

Diharebion 30

¹Geiriau Agur mab Iace: y brophwydoliaeth, a lefarodd gŵr am Ithiel, am Ithiel meddaf ac Ucal.

²Yn wir yr ydwyf yn ffolach na neb, ac nid oes ddeall dŷn gennif.

³Ni ddyscais ddoethineb, ac nid oes gennif ŵybodaeth am bethau sanctaidd.

⁴Pwy a escynnodd i’r nefoedd, a phwy a ddescynnodd? a phwy a gasclodd y gwynt yn ei ddyrnau?

⁵Pwy a rwymodd y dyfroedd mewn dilledyn? pwy a gadarnhâodd ôll derfynnau y ddaiar? beth yw ei enw ef, a pheth yw enw ei fab, os gwyddost?

⁶Gair Duw oll sydd bur: tarian yw efe i’r neb a ymddiriedant ynddo.

⁷Na ddyro ddim at ei eiriau ef, rhag iddo dy geryddu, a’th gael di yn gelwyddog. Dau beth yr ydwyf yn eu gofyn gennit, cyn fy marw, na ommedd hwynt i mi.

⁸Tynn ym mhell oddi wrthif wagedd a chelwydd, na ddyro i mi na thlodi na chyfoeth, portha fi a’m digon o fara:

⁹Rhag i mi pan fyddwyf lawn dy wadu di, a gofyn, pwy yw’r Arglwydd? a rhag pan syrthwyf mewn tlodi imi ledratta: a rhag i mi gymmeryd enw Duw [yn ofer.]

¹⁰Nac achwyn ar wâs wrth ei feistr, rhag iddo dywed drwg am danat a’th gael yn euog.

¹¹Y mae cenhedlaeth a felldithia ei thâd, ai mam ni fendithia.

¹²Y mae cenhedlaeth lân yn ei golwg ei hun, er nas glanhauwyd oddi wrth ei haflendid.

¹³Y mae cenhedlaeth ai llygaid yn feilchion, ac amrantau ei llygaid yn vchel.

¹⁴Y mae cenhedlaeth ai dannedd yn gleddyfau, ai chil-ddannedd yn gyllill: i lyngcu’r tlodion oddi ar y ddaiar a’r anghênus o blith dynion.

¹⁵I’r gele y mae dwy ferch [yn dywedyd,] moes, moes: y tri pheth hyn ni ddiwellir [ie] pedwar peth ni ddywedant byth, digon.

¹⁶Y Bedd, crôth amhlantadwy, y ddaiar ni ddiwellir â dyfroedd, a’r tân ni ddywed, digon.

¹⁷Llygad yr hwn a wattwaro ei dâd ne a ddiystyro lywodraeth ei fam a dynno cyg-frain y dyffryn, a’r eryrod ai bwytâo.

¹⁸Tri pheth ydynt guddiedig i mi: ie pedwar peth nid adwaen.

¹⁹Ffordd yr êryr yn yr awyr, ffordd neidr ar graig, ffordd llong yng-hanol y môr, a ffordd gŵr gyd â môrwyn.

²⁰Dymma arfer merch odinebus, hi a fwytu, ac a sych ei safn, ac a ddywed, ni wneuthym i anwiredd.

²¹Tann dri pheth y cryn y ddaiar, îe tann bedwar ni ddichon hi ddioddef:

²²Tann wâs pan deyrnaso, tann vn ffol pan lanwer ef o fwyd,

²³Tann [wraig] atgâs pan brioder hi, a thann lawforwyn pan wneler yn aeres iw meistres.

²⁴Y pedwar hyn ar y ddaiar sydd bethau bychain, ac etto y maent yn ddoethaf o’r doethion.

²⁵Nid yw’r morgrug bobl nerthol, etto y maent yn darparu eu llunniaeth yn amser haf.

²⁶Y cwningôd nid ydynt bôbl rymmus, etto hwy a wnânt eu tai yn y graig.

²⁷Y ceiliogod rhêdyn nid oes brenin iddynt, ac etto hwynt a godant allan yn dorfeudd.

²⁸Y pryf coppyn a afaela ai law, [yn ei wê,] ac a êrys yn llŷs y brenin.

²⁹Y tri pheth hyn a rodiant yn hardd, îe pedwar peth a rodiant yn hardd weddus,

³⁰Hên lew crŷf ym mhlith anifeiliaid yr hwn ni thrŷ yn ôl ei gefn er ofn nêb.

³¹Y milgi crŷf yn ei feingefn, a hwrdd, a brenin, [yr hwn] ni chyfŷd neb yn ei erbyn.

³²Os buost ffôl yn ymdderchafu, ac os amcenaist, dyro dy law ar dy enau:

³³Canys megis y dwg yr hwn a gorddo laeth ymênyn allan, ac y gwna yr hwn a wasco ffroenau i’r gwaed dyfod allan: felly cymmell llid a ddwg allan gynnen.