Read William Morgan Bible 1588 original edition Diharebion 31 Bible Online

Diharebion 31 - William Morgan Bible 1588 original edition bible

Diharebion 31

¹Geiriau Lemuel frenin: [a’r] brophwydoliaeth, yr hon a ddyscodd ei fam iddo ef.

²Beth [a ddywedaf] fy mab? pa beth fy mab cnawdol? îe pa beth a ddywedaf fy mab annwyl?

³Na ddyro i wragedd dy nerth: na’th ffyrdd i’r rhai a ddifethant frenhinoedd.

⁴Nid [gweddaidd] i frenhinoedd, O Lemuêl, nid gweddaidd i frenhinoedd ŷfed gwin: nac i benaduriaid ddeisyfu diod gadarn,

⁵Rhag iddo ef ŷfed, ac ebargôfi deddf: a chyfnewidio barn yr hôll rai gorthrymmedig.

⁶Rhoddwch ddiod gadarn i’r neb sydd ar ddarfod am dano: a rhoddwch wîn i’r trîst [ei] feddwl.

⁷Yfed efe fêl yr anghofio ei dlodi: ŷfed fel na’s meddylio am ei flin-fŷd.

⁸Agor dy enau dros y mud: ac yng-hweryl plant angeu.

⁹Agor dy enau, barn yn gyfiawn: a dadle dros y tlawd a’r anghenus.

¹⁰Pwy bynnac a gaffo wraig rinweddol: gwerthfawrocach yw hi na’r carbwncl.

¹¹Calon ei gŵr a ymddyried ynddi: ac ni bydd arno ddim eisieu.

¹²Hi a wna iddo lês, ac nid drwg, hôll ddyddiau ei bywyd.

¹³Hi a gais wlân neu lîn, ac ai gweithia ai dwy-law yn ewyllyscar.

¹⁴Tebyg yw hi i long marsiandwr, hi a gluda ei bywyd o bêll.

¹⁵Hi a gŷfyd liw nôs, ac a rydd fwyd iw thylwyth, ai tasc iw llangcesau.

¹⁶Hi a rydd ei brŷd ar dŷddyn, ac ai pryn ef: ac â gwaith ei dwylo hi a blanna win-llan.

¹⁷Hi a wregŷsa ei lwynau â nerth: ac a gryfhâ ei breichiau.

¹⁸Os hi a wêl fôd ei marsiandiaeth yn fuddiol, ni ddiffydd ei chanwyll ar hŷd y nôs.

¹⁹Hi a rŷdd ei llaw ar ei chwarfan, ai llaw a ddeil y werthyd.

²⁰Hi a egyr gledr ei llaw i’r tlawd, ac a estyn ei dwylo i’r anghenus.

²¹Nid ofna hi am ei thylwyth rhag yr eirâ, canys ei holl dŷ hi a wisc scarlat.

²²Hi a weithia iddi ei hun garpêdau, ei gwisc yw lliain main a phorphor.

²³Hynod yw ei gŵr hi yn y pyrth, pan eisteddo gyd â henafiaid y wlâd.

²⁴Hi a weithia liain, ac ai gwerth, ac a werth wregysau i’r marsiandwŷr.

²⁵Nerth ac anrhydedd yw ei gwisc, ac yn yr amser a ddaw hi a chwardd.

²⁶Hi a egyr ei genau yn ddoeth, a chyfraith trugaredd [sydd] ar ei thafod hi.

²⁷Hi a graffa pa ffordd y rhodia tylwyth ei thŷ: ac ni fwytu hi fwyd [mewn] syrthni.

²⁸Ei phlant a godant, ac ai galwant yn ddedwydd: ei gŵr yn yr vn modd ai can-mol hi:

²⁹Gan ddywedyd, llawer merch a weithiodd yn rymmus, ond ti a ragoraist arnynt ôll.

³⁰Siomêdig yw ffafr, ac ofer yw tegwch: ond benyw yn ofni yr Arglwydd a gaiff glôd.

³¹Rhoddwch iddi o weithredoedd ei dwylo, a chan-moled ei gweithredoedd hi yn y pyrth. Terfyn Diharebion Salomon