Read William Morgan Bible 1588 original edition Diharebion 4 Bible Online

Diharebion 4 - William Morgan Bible 1588 original edition bible

Diharebion 4

¹Cyngor i geisio doethineb 14 i ochelyd drygioni 20 ac i’n llywodraethu wrth air Duw. Gwrandewch y plant addysc [eich] tâd, ac erglywch i ddyscu deall.

²Canys yr ydwyfi yn rhoddi i chwi addysc dda, am hynny na wrthodwch fyng-hyfraith.

³Pan oeddwn fab fy nhâd, yn dyner, ac yn annwyl yng-olwg fy mam,

⁴Efe a’m dysce, ac a ddywede wrthif, dalied dy galon fyng-eiriau: cadw fyng-orchymynnion, a thi a gei fywyd.

⁵Cais ddoethineb, cais ddeall, na âd dros gof, ac na ŵyra oddi wrth eiriau fyng-enau.

⁶Na ollwng hi oddi wrthit, ac hi a’th geidw, câr hi, ac hi a’th wared di.

⁷Cyntaf peth yw doethineb, cais ddoethineb, ac vwch law dy holl gyfoeth cais ddeall.

⁸Derchaf di hi, ac hi a’th dderchafa dithe, hi a’th ddwg di i anrhydedd, os cofleidi hi.

⁹Hi a rydd chwaneg o râs i’th ben di, [ie] hi a rydd i ti goron gogoniant.

¹⁰Gwrando fy mab, a derbyn fyng-eiriau, a blynyddoedd dy fywyd a amlheuir.

¹¹Yr ydwyf yn dy ddyscu yn ffordd doethineb, ac yn dy dywys yn llwybrau cyfiawnder.

¹²Pan roddech dy gerddediad ni bydd gyfyng, a phan redech ni syrthi.

¹³Ymafel mewn addysc, ac na phaid, cadw hi, canys bywyd di yw hi.

¹⁴Na ddos i ffordd yr annuwolion, ac na rodia ar hyd ffordd y drygionus.

¹⁵[Gochel] hi, na ddos ar hyd-ddi, cilia oddi wrthi hi, a dos heibio.

¹⁶Canys ni chyscant, nes gwneuthur drwg, ai cwsc a gollant nes iddynt gwympo [dyn.]

¹⁷Canys y maent yn bwytta bara annuwioldeb, ac yn yfed gwin trais.

¹⁸[Onid] llwybr y cyfiawn a lewyrcha, fel y llewyrch yr hwn a lewyrcha fwy-fwy hyd ganol dydd.

¹⁹Onid ffordd y drygionus sydd fel y tywyllwch, ni ŵyddant pa le y syrthiant.

²⁰Fy mab gwrando ar fyng-eiriau gogŵydda dy glust at fy ymadroddion.

²¹Na âd iddynt fyned ymmaith o’th olwg, cadw hwynt yng-hanol dy galon.

²²Canys bywyd ydynt i’r neb ai caffant, ac iechyd iw holl gnawd.

²³Cadw dy galon yn dra ddiysceulys, canys allan o honi y daw bywyd.

²⁴Bwrw oddi wrthit enau tauog, a gwefusau trofaus ym mhell oddi wrthit.

²⁵Edryched dy lygaid ar yr iniawn, a chyfarwydded amrantau dy lygaid dy ffordd o’th flaen.

²⁶Ystyria lwybr dy draed, a threfna dy ffyrdd yn iniawn.

²⁷Na thro a’r y llaw ddehau, nac ar y llaw asswy, ond symmut dy droed oddi wrth ddrygioni.