Read William Morgan Bible 1588 original edition Diharebion 5 Bible Online

Diharebion 5 - William Morgan Bible 1588 original edition bible

Diharebion 5

¹Cyngor yn erbyn dilyn puttain. Fy mab, gwrando ar fy noethineb, a gostwng dy glust at fyng-ŵybodaeth,

²Fel y gellech ystyrio cynghorau, a’th wefusau gadw gŵybodaeth.

³Canys gwefusau y ddieithr a ddiferant [fel] y dil mêl, ai gênau yn llyfnach nag olew.

⁴Ond ei diwedd hi fydd chwerw fel y wermod, [ac] yn llym fel cleddyf dau-finiog.

⁵Ei thraed hi a ddescynnant i angeu, ai cherddediad a sang uffern.

⁶Rhag i ti ystyrio ffordd bywyd, y symmud ei chamrau hi heb ŵybod i ti.

⁷Yr awr hon yntef blant gwrandewch arnaf fi, ac nac ymadewch â geiriau fyng-enau.

⁸Cadw dy ffordd ym mhell oddi wrthi hi, ac na nessa at ddrws ei thŷ hi,

⁹Rhag i ti roddi dy brydferthwch i eraill, a’th flynyddoedd i’r creûlon.

¹⁰Rhag llenwi’r estron â’th gyfoeth di, ac i’th lafur fod yn-nhŷ dieithr.

¹¹Ac o’r diwedd i ti duchan, wedi i’th gnawd a’th gorph gurio,

¹²A dywedyd, pa fodd y caseais i addysc? pa ffodd y dirmygodd fyng-halon gospedigaeth?

¹³Ac ni wrandewais ar lef fy athrawon, ac ni ostyngais fyng-hlust i’m discawdwŷr.

¹⁴Bu agos i bôb drwg a dyfot arnafi, yng-hanol y gynnulleidfa, ar dyrfa.

¹⁵Yf ddwfr o’th bydew dy hun, ac o’r ffrydau a fyddant yn rhedeg allan o’th ffynnon dy hun.

¹⁶Tardded dy ffynhonnau allan, a’th ffrydau dwfr yn yr heolydd.

¹⁷Ond byddant yn eiddo ti dy hun yn unic, ac nid yn eiddo dieithriaid gyd â thi.

¹⁸Bydded dy ffynnon yn fendigedic: ac ymlawenhâ gyd a gwraig dy ieuengctid.

¹⁹[Bydded fel] ewig gariadus, ac fel iwrch hawddgar i ti: gâd iw bronnau hi dy lenwi bob amser, ac ymfodlona yn ei chariad hi yn oestadol.

²⁰Pa ham fy mab yr ymddigrifi yn y wraig ddieithr, ac y cofleidi fonwes yr hon nid yw eiddot ti?

²¹Canys ffyrdd dŷn ydynt yng-olwg yr Arglwydd, ac y mae efe yn dal ar ei holl lwybrau ef.

²²Ei anwiredd ei hun a ddeil yr annuwiol, ac efe a rwymir â rhaffau ei bechod ei hun.

²³Efe fydd farw o eisieu addysc, ac rhag maint ei ffolineb yr aiff ar gyfeiliorn.