Read William Morgan Bible 1588 original edition Diharebion 6 Bible Online

Diharebion 6 - William Morgan Bible 1588 original edition bible

Diharebion 6

¹Am fachniaeth. 5 Diogi 12 cynneddf y drygionus 16 y chwe pheth câs gan Dduw. 20 gair Duw. 24 a drygioni puttain. Fy mab os machniaist dros dy gymmydog, [ac os] tarewaist dy law [yn llaw] y dieithr.

²Ti a faglwyd â geiriau dy enau, ti a ddaliwyd â geiriau dy enau.

³Gwna hyn yr awr hon (fy mab), a gwaret dy hun gan i ti syrthio i law dy gymmydog, cerdda, ac ymostwng iddo, ac ymbil â’th gymmydog.

⁴Na ddyro gwsc i’th lygaid, na hûn i’th amrantau.

⁵Gwaret dy hun fel yr iwrch o law [yr heliwr,] ac fel adêryn o law yr adar-wr.

⁶Cerdda at y morgrugyn, tydi segurllyd, edrych ar ei ffyrdd ef, a dysc synnwyr.

⁷Nid oes ganddo neb iw arwain, iw lywodraethu, nac iw feistroli.

⁸[Ac er hynny] y mae efe yn paratoi ei fwyd amser haf, ac yn casclu ei lynniaeth amser cynhaeaf.

⁹Pa hŷd ddiogyn y gorweddi? pa brŷd y cyfodi o’th gwsc?

¹⁰Ychydig chwaneg o gyscu, ychydig chwaneg o hepian, ychydig chwaneg o wascu dwylaw i gyscu.

¹¹Am hynny yn y cyf-amser y daw tlodi arnat fel ymdeithudd, a’th angen fel gŵr arfog.

¹²Dŷn i’r fall, [a] gŵr anwir a rodia â genau traws.

¹³Efe a amneidia ai lygaid, efe a fynega [eiriau] ai draed, [ac] a ddysc ai fysedd.

¹⁴Y mae pob rhyw drawsedd yn ei galon, y mae yn dychymmyg drygioni bob amser, ac yn peri cynnen.

¹⁵Am hynny ei ddinistr a ddaw arno: yn ddisymmwth y dryllyr ef, fel na byddo meddiginiaeth.

¹⁶Y chwe pheth hyn sydd gâs gan yr Arglwydd: ie saith beth sydd ffiaidd ganddo ef.

¹⁷Llygaid beilchion, tafod celwyddog, a’r dwylo a dywalltant waed gwirion.

¹⁸Y galon a ddychymmygo feddyliau drwg, traed yn rhedeg yn fuan i wneuthur drwg.

¹⁹Tyst celwyddog yn dywedyd celwydd, a’r neb a gyfodo gynnen rhwng brodyr.

²⁰Fy mab cadw orchymyn dy dad, ac nag ymado â chyfraith dy fam.

²¹Rhwym hwynt ar dy galon yn oestadol cylymma hwynt am dy wddf.

²²Pan rodiech, hi a’th gyfarwydda, pan orweddech hi a’th wilia di, pan ddeffroech, hi a gŷdymddiddan â thi.

²³Canys canwyll yw’r gorchymyn, a goleuni yw’r gyfraith, a ffordd i fywyd yw cospedigaeth addysc.

²⁴I’th gadw rhag y fenyw ddrwg, a rhag gweniaith tafod y ddieithr.

²⁵Na chwennych ei phryd hi yn dy galon, ac na âd ti iddi dy ddal ag amrantau ei llygaid.

²⁶O blegit y fenyw buteinig [y dâw gwr i gardotta] tammaid o fara, a gwraig gŵr arall a hela yn ôl yr enaid gwerth-fawr.

²⁷A ddichon gŵr arwain tân yn ei fynwes, heb losci ei ddillad?

²⁸A ddichon gŵr rodio ar hyd marwor, ac heb losci ei draed?

²⁹Felly pwy bynnac a êl at wraig ei gymmydog, ac a gyffyrddo â hi ni bŷdd digerydd.

³⁰Ni wradwyddir lleidr yr hwn a ledrattao i ddadabruu ei enaid, pan fyddo arno newyn.

³¹Ond os delir ef, rhaid iddo dalu yn saith ddyblyg neu fe orfydd iddo roi cymaint oll ag a feddo yn ei dŷ.

³²Ond y neb a wnêl odineb â benyw, sydd heb synnwyr, y neb ai gwnêl a lygra ei enaid ei hun.

³³Clais, a gwarth a gaiff efe, ai gywilydd ni ddeleir.

³⁴Cynddaredd yw eiddigedd gwr, am hynny nid erbyd efe yn nydd dial.

³⁵Ni bydd ganddo bris am iawn ac ni fodloneir ef, er rhoi rhoddion lawer.