Read William Morgan Bible 1588 original edition Diharebion 7 Bible Online

Diharebion 7 - William Morgan Bible 1588 original edition bible

Diharebion 7

¹Cyngor yn erbyn dichellion puttain. Fy mab cadw fyng-eiriau, a chuddia fyng-orchymynnion gyd â thi.

²Cadw fyng-orchymynnion, a byw fyddi, a’m cyfraith fel cannwyll dy lygaid.

³Rhwyma hwynt yng-hylch dy fysedd, ac scrifenna hwynt ar lech dy galon.

⁴Dywet wrth ddoethineb, fy chwaer wyt ti, a galw ŵybodaeth yn gâres.

⁵Fel i’th gadwer oddi wrth y wraig ddieithr, a rhag y fenyw a’r ymadrodd gwenieithus.

⁶Canys a mi yn ffenestr fy nhŷ, mi a edrychais drwy fy ffenestr.

⁷Ac mi a welais ym mysc y ffyliaid [ie] mi a ganfûm ym mhlith y plant, ddŷn ieuangc anehallus,

⁸Yn ymdaith drwy yr heol, ger-llaw ei chongl hi, ac yn myned ar hŷd y ffordd iw thŷ hi,

⁹Yn y cyfnos gyd a’r hwyr pan oedd hi yn nôs du ac yn dywyll.

¹⁰Ac wele fenyw yn cyfarfod ag ef, a chanthi ymddygiad puttain, ac â chalon ddichellgar.

¹¹Siaradus anufuddgar yw hi, ei thraed ni arhôant yn ei thŷ.

¹²Weithie yn y drŵs, weithie yn yr heolydd, ac yn cynllwyn ym mhob congl.

¹³Hi a ymafaelodd ynddo, ac ai cussanodd, ac yn ddigywilydd hi a ddywedodd wrtho ef:

¹⁴[Yr oedd] arnafi aberthau hedd, heddyw y cywirais fy adduned:

¹⁵Ac am hynny y daethum allan i gyfarfod â thi, i chwiho am dy wyneb, a chefais afael arnat.

¹⁶Mi a drwsiais fyng-wely â chortinau, ac â thasselau, a llieiniau o lin yr Aipht.

¹⁷Mi a fwgdarthais fyng-hysugl â myrh, aloes, a Synnamon.

¹⁸Tyret moes ymlenwi o garu hyd y boreu, gwnawn yn llawen a’r faswedd.

¹⁹Canys nid yw fyng-wr gartref, efe aeth i ffordd bell.

²⁰Efe a gymmerth godaid o arian yn ei law, efe a ddaw adref ar y dydd ammodol.

²¹Hi ai troes ef, ai haml eiriau melysion, ac â gweniaith ei gwefusau hi ai gyrrodd ef.

²²Efe ai canlynodd hi ar frys, fel yr ŷch yn myned i’r lladdfa, ac fel ynfyd yn myned i’r cyffion iw gospi:

²³Hŷd oni ddryllio yr saeth ei afi ef, fel yr aderyn yn pryssuro i’r fagl, heb ŵybod ei bod yn erbyn ei enioes ef.

²⁴Am hynny (fy meibion) gwrandewch arnafi, ac ystyriwch wrth eiriau fyng-enau.

²⁵Na thuedded dy galon at ei ffyrdd hi, na chyrwydra ar hyd ei llwybrau hi.

²⁶Canys llawer a gwympodd hi yn archolledic, gwŷr grymmus oll a laddodd hi.

²⁷Ffyrdd i uffern [yw] ei thŷ hi, [yn] descyn i stafelloedd angeu.