Read William Morgan Bible 1588 original edition Diharebion 8 Bible Online

Diharebion 8 - William Morgan Bible 1588 original edition bible

Diharebion 8

¹Doethineb yn dangos ei godidogrwydd. Ond yw doethineb yn gweiddi, ac ond yw deall yn llefain?

²Ym mhen lleoedd vchel, ger-llaw’r ffordd, ac ym mhen llwybrau lawer y mae hi yn sefyll.

³Ger-llaw pyrth y drêf, yn ymyl drysau y mae hi yn llefain,

⁴Ha wŷr ardderchog arnoch chwi yr wyfi yn galw, ac at feibion dynnion yr wyfi yn derchafu fy llais.

⁵Ha ynfydion deallwch gyfrwysder, a chwi wŷr anghall troiwch ymma eich calon i ddeall.

⁶Gwrandewch, canys myfi a draethaf i chwi bethau ardderchog, mi a agoraf fyng-wefusau, ac a lefaraf iniondeb.

⁷Canys fyng-enau a draethant wirionedd ffiaidd gan fyng-wefusau ddrygioni.

⁸Holl eiriau fyng-enau ydynt gyfiawn, nid oes ynddynt, na gŵyrni, na thrawsedd.

⁹Y maent hwy oll yn amlwg i’r neb a ddeallo, ac yn iniawn i’rhai a chwennychent ŵybodaeth.

¹⁰Derbynnwch fy addysc, ac nid arian, a gŵybodaeth o flaen aur etholedig.

¹¹Canys gwell yw doethineb na gemmau, nid oes hyfrydwch cyffelyb iddi.

¹²Myfi doethineb wyf yn glŷnu wrth gallineb: yr ydwyf yn cael allan gŵybodaeth, a chyngor.

¹³Ofn yr Arglwydd [yw] casáu drygioni: balchder a thraha, a ffordd y drygioni, a’r genau trawsion sydd gâs gennifi.

¹⁴Mi pie cyngor, a pherffeithrwydd, ddeall ydwyfi, mi pie nerth.

¹⁵Drwofi y teyrnasa brenhinoedd, ac y barna y penaethiaid gyfiawnder.

¹⁶Drwofi y rheola tywysogion a phendefigion, a holl farn-wŷr y ddaiar.

¹⁷Y neb a’m cârant a garaf inne, a’r neb a’m ceisiant yn foreu am cânt.

¹⁸Gennifi y mae cyfoeth, ac anrhydedd golud parhaus, a chyfiawnder.

¹⁹Gwell yw fy ffrwyth i nag [aur, îe] nag [aur] coeth, a’m cynnyrch sydd well na’r arian detholedig.

²⁰Rhyd ffordd cyfiawnder i’th arweiniaf ar hŷd canol llwybrau barn.

²¹Mi a baraf i’r rhai a’m carant berchennogi’r peth a beru byth: a mi a lanwaf eu trysorau.

²²Yr Arglwydd a’m meddiannodd i yn nechreuad ei ffordd, cyn ei weithredoedd, a chyn vn amser.

²³Cyn y bŷd i’m heneiniwyd, cyn y dechreuad, cyn gwneuthuriad y ddaiar.

²⁴Prŷd nad oedd dyfnder i’m cenhedlwyd, cyn bôd ffynhonnau yn llawn o ddyfroedd.

²⁵Cyn sylfaenu y mynyddoedd, ac o flaen y brynnau i’m cenhedlwyd.

²⁶Cyn gwneuthur o honaw ef y ddaiar, na’r meusydd, na dechreuad llwch y bŷd.

²⁷Pan baratôdd efe y nefoedd yr oeddwn i yno: pan amgylchodd efe wyneb y dyfnder:

²⁸Pan gadarnhaodd efe y cwmylau vwch ben, a phan ffurfiawdd efe ffynhonnau y dyfnder,

²⁹Pan roddes efe ei ddeddf i’r môr, ac i’r dyfroedd, na thorrent orchymyn ei enau ef, pan seiliodd efe y ddaiar,

³⁰Yna yr oeddwn i gyd ag ef yn magu [pob peth] yn ddaintaeth beunyddol, ac yn ymlawenhau ger ei fron ef bob amser.

³¹Ac yn llawenychu o amgylch ei ddaiar ef, ac a’m daenteithion yn llawenhau meibion dynnion.

³²Yr awron (o feibion) gwrandewch arnaf, canys gwyn eu bŷd a gadwant fy ffyrdd i.

³³Gwrandewch addysc, a byddwch ddoethion, nac ymwrthodwch â hi.

³⁴Gwyn ei fŷd y dyn a wrandawo arnaf, ac a wilio yn ddyfal beunydd fy nrysau, gan warchod pyst fy mhyrth i.

³⁵Canys y neb a’m caffo i, a gaiff fywyd, ac a feddianna ewyllys da yr Arglwydd.

³⁶Onid y neb a becho yn fy erbyn a dreisia ei enaid: fy holl gaseion a garant angeu.