Read William Morgan Bible 1588 original edition Diharebion 9 Bible Online

Diharebion 9 - William Morgan Bible 1588 original edition bible

Diharebion 9

¹Y modd y mae doethineb yn gwahodd atti. 7 A’r gwatwar-wr yn gwrthod addysc. 10 Daioni ofn Duw. 13 A digywilydd-dra gwraig ddrwg. Doethineb a adailadodd ei thŷ, ac a naddodd ei saith gôlôfn.

²Hi a laddodd ei hanifeiliaid, hi a gymmyscodd ei gwîn, ac a huliodd ei bwrdd.

³Hi a yrrodd ei llawforynion, ac a alwodd oddi ar fannau vchel y ddinas [gan ddywedyd,]

⁴Pwy bynac sydd annichellgar, deued ymma, ac wrth yr annoeth y mae hi yn dywedyd,

⁵Deuwch, a bwytewch o’m bara, ac o’r gwin a gymmyscais:

⁶Gwrthodwch ffolineb, a byddwch fyw, a rhodiwch yn ffordd deall.

⁷Yr hwn a geryddo watwar-wr a gaiff wradwydd, a’r hwn a feio ar y drygionus, a gaiff anaf.

⁸Na cherydda watwar-wr rhag iddo dy gasau, cerydda y doeth, ac efe a’th gâr di.

⁹Dyro [rybudd] i’r doeth, ac efe fydd doethach, dysc y cyfiawn, ac efe a chwanega ei ddysceidiaeth.

¹⁰Dechreuad doethineb yw ofn yr Arglwydd, a gŵybodaeth [mewn pethau] sanctaidd yw deall.

¹¹Canys drwofi yr amlheuir dy ddyddiau, ac yr estynnir blynyddoedd dy enioes.

¹²Os doeth fyddi, doeth fyddi i ti dy hûn, ac os gwatwar-wr fyddi, ty di dy hun ai dygi.

¹³Gwraig ffôl a fydd siaradus, anghall, ac ni ŵyr ddim:

¹⁴Eithr hi a eistedd ar ddrws ei thŷ, ar faingc mewn lleoedd vchel yn y ddinas,

¹⁵I alw atti y neb a fyddant yn myned heibio, y neb a rodiant yn iniawn [gan ddywedyd,]

¹⁶Pwy bynac sydd ehud troed ymma, a phwy bynag sydd ddisynnwyr: a hi a ddywed wrtho ef,

¹⁷Dyfroedd lledrad ydynt felus, a bara cudd sydd beraidd.

¹⁸Ni ŵyr efe mai meirw yw y rhai sydd yno, a bod ei gwahodd-wŷr hi yn nyfnder vffern.