Read William Morgan Bible 1588 original edition Pregeth-wr 11 Bible Online

Pregeth-wr 11 - William Morgan Bible 1588 original edition bible

Pregeth-wr 11

¹Am haelioni a gobaith da. 8 Ofered yw pethau bydol. Bwrw dy fara rhyd wyneb y dyfroedd, ac ti ai cei o fewn llawer ô ddyddiau.

²Dyro ran i saith, neu hefyd i ŵyth: canys ni ŵyddost pa ddrwg a ddigwydd ar y ddaiar.

³Pan fo’r cwmŷlau yn llawn, hwy a ddefnynnant ar y ddaiar: pa vn bynnac ai i’r dehau ai i’r gogledd y syrth pren, pa le bynnac y syrthio y pren, yno y bydd efe.

⁴Y nêb a wilio ar y gwynt ni haua: a’r neb a edrycho ar y cwmylau ni fêda.

⁵Megis ac nis gwyddost ffordd y gwynt, nac pa fodd y [ffurfheir] yr escyrn yng-hrôth y feichiog: felly ni ddealli waith Duw yr hwn sydd yn gwneuthur y cwbl.

⁶Yn foreu haua dy hâd, a phrydnawn na laesa dy law, canys ni wyddost beth sydd iniawn, ai hyn ymma, ai hyn accw, ai yntef da fyddant ill dau.

⁷Melus yn ddiau yw’r goleuni, a da yw i’r llygaid weled yr haul.

⁸Ond pe bydde dyn fyw lawer o flynyddoedd, a gwneuthur yn llawen ynddynt oll, etto rhaid yw meddwl am ddyddiau tywyllwch er bôd flynyddoedd lawer, etto beth bynnac a ddigwydda ofêredd yw.

⁹Gwna yn llawen ŵr ieuangc yn dy ieuengctid, a llawenyched dy galon yn nyddiau dy ieuenctid, rhodia yn ffyrdd dy galon, ac yn ôl trachwant dy lygaid, ond gwybydd y geilw Duw ei hun di i’r farn am hyn ôll.