Read William Morgan Bible 1588 original edition Pregeth-wr 12 Bible Online

Pregeth-wr 12 - William Morgan Bible 1588 original edition bible

Pregeth-wr 12

¹Na ddylid oedi duwioldeb. 8 I ba le yr aiff dyn. 12 Pa athrawiaeth sydd iw dilyn. Bwrw ddig allan o’th galon a thro ymmaith ddrwg oddi wrth dy gnawd: canys mêbyd ac ieuengctid ydynt wagedd:

²A choffa dy greawdr yn nyddiau dy ieuengtid, cyn dyfod y dyddiau blin, a nesau’r blynyddoedd yn y rhai y dywedi, nid oes i mi yn yr rhai hyn ddim diddânwch:

³Cyn tywyllû’r haul, a’r goleuni a’r lleuad, a’r sêr, a chyn dymchwelyd y cwmylau ar ôl y glaw:

⁴Yr amser y cryna ceidwaid y tŷ, ac y crymma y gwŷr cryfion, ac y metha y rhai sydd yn malu wedi eu treulio, ac y tywylla y rhai sydd yn edrych drwy ffenestri.

⁵A chaeu’r pyrth oddi allan, pan ballo swn y felin, a chyfodi wrth lais yr aderyn, a thynnu i lawr hôll ferched cerdd.

⁶Ie [yr amser] yr ofnant beth vchel, ac yr arswydant yn y ffordd, ac y blodeua’r pren Almon, ac yr ymlwytha y ceiliog rhêdyn, a thorri chwant pan êlo dyn i dŷ ei dragwyddoldeb, a’r galarwyr yn myned o bôb tu [iddo] yn yr heol.

⁷Cyn torri yr êdef arian, a chyn torri yr cawg aur, a chyn torri’r piser gerllaw’r ffynnon, a chyn torri’r olwyn wrth y pydew.

⁸Pan dychwelo’r pridd i’r ddaiar fel y bu gynt, ac i’r yspryt ddymchwelyd at Dduw rhwn ai rhoes ef.

⁹Gwagedd ô wagedd (medd y pregeth-wr) gwagedd yw’r cwbl.

¹⁰Yr oedd y pregeth-wr etto yn ddoethach, efe a ddyscodd ŵybodaeth i’r bobl, a thrwy fefyrio a thrwy chwilio efe a wnaeth lawer o ddiharebion.

¹¹Chwiliodd y pregeth-wr am eiriau melus, ac scrythur iniawn, a geiriau gwirionedd.

¹²Geiriau’r doethion ydynt gyffelyb i symbylau, a chyffelyb i hoelion cynnull-wŷr wedi eu gyrru i mewn y rhai a roes yr vn bugail.

¹³Am hynny, yn hytrach fy mâb cymmer rybudd wrth hyn, canys nid oes diben ar wneuthur llyfrau lawer, darllen llawer o lyfrau a ddeffygia y cnawd.

¹⁴Swm y cwbl a glywyd [yw,] ofna Dduw a chadw ei orchymynnion: canys hyn yw holl ddylêd dyn.

¹⁵Canys Duw a ddwg bôb gweithred i’r farn, a phôb peth dirgel, pa vn bynnac fyddo ai drwg ai da. Terfyn llyfr y pregeth-wr