Read William Morgan Bible 1588 original edition Pregeth-wr 4 Bible Online

Pregeth-wr 4 - William Morgan Bible 1588 original edition bible

Pregeth-wr 4

¹Gorthrymder y diniwed. 4 Ofered llafur dyn. 9 Mor anghenrhaid yw cyfeillach. 13 A bod yr ieuangc call yn well na’r hên angall. Ond drachefn wrth edrych ar yr hôll rai gorthrymmedig tann yr haul, yna wele ddagrau y rhai gorthrymmedig heb nêb iw cyssuro, ac heb nerth ynddynt [i ddiangc] allan o law eu treis-wŷr, ac heb ganddynt neb iw cyssuro.

²Mi a ganmolais y meirw y rhai sydd yn barod wedi marw, yn fwy na’r byw y rhai ydynt yn fyw etto.

³Gwell na’r ddau yw’r neb ni bu yr ioed, canys ni welodd efe y blinder mawr sydd tann haul.

⁴A mi a welais fôd pob llafur, a phob iniondeb gwaith dŷn yn peri iddo genfigen gan ei gymmydog, hyn hefyd sydd wagedd a gorthrymder yspryd.

⁵Y ffôl a wasc ei ddwylo yng-hŷd, ac a fwyty ei gnawd ei hun [gan ddywedyd:]

⁶Gwell yw lloned llaw trwy lonyddwch, na lloned dwy law trwy flinder a gorthrymder yspryd.

⁷Ond mi a drois, ac a welais [fôd hyn] yn wagedd tann yr haul.

⁸Y mae vn heb hiliogaeth iddo: i’r hwn nid oes na mâb na brawd, ac etto nid oes diwedd ar ei lafur ef oll: ie ni chaiff ei lygaid ddigon o gyfoeth, [ni ddywed efe,] i bwy yr ydwyf yn llafurio, gan ddiddyfnu fy enaid oddi wrth hyfrydwch? hyn hefyd sydd wagedd, ac dymma drueni blin.

⁹Gwell yw dau nag vn, o achos bod iddynt obr da am eu llafur.

¹⁰Canys os syrthiant, y naill a gyfŷd y llall ond gwae yr unic: canys pan syrthio efe nid oes ail iw gyfodi.

¹¹Hefyd os dau a gŷd orweddant hwy a ymgynhesant, ond yr unic pa fodd y cynnesa efe?

¹²Os cryfach fydd rhyw vn nar naill o honynt hwy, hwythau ill dau ai gorchfygant yntef, ond rhaff deircaingc ni thorrir ar frys.

¹³Gwell yw bachgen tlawd a doeth, na brenin hên ac ynfyd, yr hwn ni feidr gymmeryd rhybudd mwyach.

¹⁴Canys y [naill] sydd yn dyfod allan o’r carchar-dŷ i deyrnasu, a’r llall a anwyd yn y frenhiniaeth [i fod] yn dlawd.

¹⁵Mi a welais y rhai byw oll y rhai ydynt yn rhodio dann yr haul, yn nesau at yr ail mâb yr hwn sydd i deyrnasu yn ei ôl ef.

¹⁶Nid oes diben ar yr holl bobl [sef] ar bawb a fu oi blaen hwynt, a’r rhai olaf ni lawenychant ynddo yntef: gwagedd yn ddiau a blinder yspryd [yw] hyn hefyd.

¹⁷Gwylia ar dy droed pan fyddech yn myned i dŷ Dduw, a bydd barottach i wrando nag i roi aberth ffoliaid, canys ni wyddant hwy eu bôd yn gwneuthur drwg.