Read William Morgan Bible 1588 original edition Pregeth-wr 5 Bible Online

Pregeth-wr 5 - William Morgan Bible 1588 original edition bible

Pregeth-wr 5

¹Mor dda yw ymadroddion pwyllog. 9 A maint chwant y cybydd. Na fydd [ry] brysur a’th enau, ac na frysied dy galon i draethu dim ger bron Duw: canys Duw sydd yn y nefoedd a thithe sydd ar y ddaiar, ac am hynny bydded dy eiriau yn anaml.

²Canys megis y daw breuddwyd o drallod lawer: felly [y daw] ymadrodd ffôl o laweroedd o eiriau.

³Pan adduneddech adduned i Dduw, nac oeda ei thâlu, canys nid oes ganddo flâs ar rai ynfyd, y peth a addunedaist tâl.

⁴Gwell yw i ti fôd heb addunedu, nag i ti adduneddu, a bôd heb ei dalu.

⁵Na âd i’th enau beri i’th gnawd bêchu, ac na ddywet ger bron yr angel, anŵybodaeth yw hyn: pa ham [y peri] i Dduw ddigio oherwydd dy eiriau, fel y difetho efe weithred dy ddwylaw di?

⁶Canys mewn llaweroedd o freuddwydion y mae gwagedd, felly mewn llawer o eiriau: ond ofna di Dduw.

⁷Os gweli dreisio y tlawd, a bwrw i lawr farn a chyfiawnder yn y wlâd: na ryfedda o achos hyn, canys y vchel yn gwylied ar vchel, y mae [vn] sydd uwch na hwynt.

⁸Cynnyrch y ddaiar sydd vwch law pôb peth: wrth dir llafur y mae y brenin yn byw.

⁹Y nêb a garo arian ni ddigonir ag arian, a’r neb a hoffo olud ni chaiff lesâd: hyn hefyd sydd wagedd.

¹⁰Lle y byddo llawer o dda y bydd llawer iw ddifa: pa fudd gan hynny i’r perchennog ond gôlwg ei lygaid.

¹¹Melus yw hun y gweith-wr pa vn bynnac ai bychan ai llawer a fwyttu efe: ond llawnder y cyfoethog ni âd iddo gyscu.

¹²Y mae trueni a welais tann yr haul, cyfoeth wedi eu cadw yn niwed iw perchennog.

¹³Derfydd am y cyfoeth hynny trwy drueni blin, ac os ennill efe fab ni [ddaw] dim i law hwnnw.

¹⁴Yn noeth y daeth allan ô groth ei fâm, yn noeth drachefn yr aiff ymmaith modd y daeth, ac nid arwain ddim oi lafur gyd ag ef.

¹⁵Am hynny hefyd dymma ofid blin yn hollawl, y modd y daeth, felly yn hollawl yr aiff efe ymmaith, pa fudd [sydd] iddo am lafurio yn ofer?

¹⁶Ei hôll ddyddiau y bwyty efe mewn tywyllwch, mewn digter mawr, gofid, a llîd.

¹⁷Wele beth a welais i, yn dda a thêg [i ddyn,] bwytta, ac ŷfed a chymmeryd byd da oi hôll lafur a lafurio tann yr haul hôll ddyddiau ei fywyd y rhai a roddes Duw iddo: canys hynny yw ei ran ef.

¹⁸Ie i bwy bynnac y rhoddes Duw gyfoeth a golud, ac i bwy bynnac y rhoddes efe rydd-did i fwyta o honynt, ac i gymmeryd ei ran, ac i lawenychu yn ei lafur, rhodd Duw yw hyn:

¹⁹Canys ni fawr gofia efe ddyddiau ei fywyd am fôd Duw yn fodlon i lawenydd ei galon ef.