Read William Morgan Bible 1588 original edition Pregeth-wr 8 Bible Online

Pregeth-wr 8 - William Morgan Bible 1588 original edition bible

Pregeth-wr 8

¹Am vfyddhau i dywysogion, a phennaethiaid. 17 gweithredoedd Duw sy vwch law pob gwybodaeth. Yr ydwyf [yn dy rybuddio di] i gadw gorchymyn y brenin, a gair llw Dduw.

²Na ddôs oi olwg yn gyffrous, na saf mewn peth drwg: canys efe a wna a fynno ei hun.

³Lle y byddo gair y brenin y mae awdurdod: pwy a ddywed wrtho? beth yr wyt ti yn ei wneuthur?

⁴Y nêb a gadwo y gorchymyn ni wêl ddrwg: eithr calon y doeth a edwyn amser, a barn.

⁵Canys y mae amser a barn i bob ewyllys: ond drygioni dŷn sydd yn fawr yn ei erbyn ef.

⁶Ni ŵyr [dŷn] beth sydd ar ddyfod, canys pwy a ddengys iddo pa fath beth a ddaw?

⁷Nid yw dŷn yn arglwyddiaethu ar yr yspryd i attal yr yspryd, ac nid oes rhydd-did yn nydd marwolaeth, ac nid oes arf a wareda yn y rhyfel, ac nid achub annuwoldeb ei pherchennog.

⁸Yr holl bethau hyn a welais i, ac mi a ystyriais bob gorchwyl a wneir dan haul, y mae amser pan arglwyddiaetha dŷn ar ddyn er drwg iddo.

⁹Mi a welais gladdu y rhai annuwiol, ac hwy a ddaethant eilwaith: ac [eraill] a aethent o’r lle sanctaidd, a hwy a ebergôfwyd yn y ddinas, lle y gwnaethent gyfiawnder: gwagedd yw hyn hefyd.

¹⁰O herwydd nad oes gyfraith i gospi drwg yn fuan: am hynny calon plant dynnion sydd yn llawn ynddynt i wneuthur drwg.

¹¹Er bôd i Dduw estyn dyddiau pechadur yr hwn a wnaeth ddrwg gan-waith: etto mi a wn y daw daioni i’r rhai a ofnant Dduw, ac a arswydant rhagddo ef.

¹²Ond ni bydd daioni i’r annuwiol, ac ni estyn efe ei ddyddiau: cyffelyb i gyscod yw efe: canys nid ofna efe wyneb Duw.

¹³Y mae gwagedd a wneir ar y ddaiar, bod y cyfiawn yn damwain iddynt yn ôl gwaith y drugionus: ar drugionus yn digwyddo iddynt yn ôl gwaith y cyfiawn: mi a ddywedais fod hyn hefyd yn wagedd.

¹⁴Ac am hynny mi a gan-molais lawenydd, nid oes dim da i ddyn dann haul, ond bwyta ac ŷfed, a gwneuthur yn llawen, hynny sydd i ddyn oi lafur ddyddiau ei fywyt y rhai a roddes Duw iddo tann yr haul.

¹⁵Pan osodais i fyng-halon i ddeall doethineb, ac i edrych ar y drafferth a wneir ar y ddaiar, er i ddyn na welo hûn ai lygaid na dydd na nôs,

¹⁶Yna mi a welais am holl orchwyl Duw, na ddichon dŷn ddeall y gwaith a wneir tann haul, er i ddyn lafurio i geisio, etto nis caiff, ie pe meddylie y doeth fynnu gŵybod, etto ni chae efe [hynny.]