Read William Morgan Bible 1588 original edition Caniadau Salomon 1 Bible Online

Caniadau Salomon 1 - William Morgan Bible 1588 original edition bible

Caniadau Salomon 1

¹Mwynaidd a hyfryd ymddiddannion rhwng Crist ai eglwys mewn serch ysprydol. CAN CANIADAV SALOMON.

²Cusaned fi â chusanau ei fîn, canys gwell yw dy gariad nâ gwîn.

³O herwydd arogl dy ennaint daionus, olew tywalltedic [yw] dy enw: am hynny y llangcesau a’th garant.

⁴Tynn fi [attat, ac] ni a redwn ar dy ôl, y brenin a’m dug iw stafellau, ni a ymhyfrydwn, ac a ymlawenhawn ynot, ni a goffawn dy gariad yn fwy nâ gwin, y rhai iniawn ydynt yn dy gâru.

⁵Du [ydwyf] fi (merched Ierusalem) a hawddgar fel pebyll Cedar, [ac] fel llenni Salomon.

⁶Nac edrychwch arnaf am fy [mod] yn ddu ac am i’r haul fyng-hanfod: meibion fy-mam a ddigiâsant wrthif, gosodâsant fi i gadw gwin-llannoedd [eraill,] fyng-winllan fy hun ni’s cedwais.

⁷Mynêga i mi’r hwn a hoffodd fy enaid pa lê y porthi [dy ddefaid?] pa le y gorweddfeûi [hwynt] hanner dydd? canys pa ham y byddaf megis yn ymdroi ym mysc ddiadellau dy gyfeillion?

⁸Oni ŵyddost o honot ty hun y deccaf o’r gwragedd? dos allan rhagot ar hŷd ôl y praidd, a phortha dy fynnod ger llaw preswylfeudd y bugeiliaid.

⁹I’r meirch yng-herbydau Pharao i’th gyffelybais fyng-hyfeilles.

¹⁰Hawddar yw dy ruddiau yn y tlyssau, a’th wddf yn y cadwyni.

¹¹Tlyssau o aur, a boglynnau o arian a wnawn i ti.

¹²Tra [ydoedd] y brenin ar ei fwrdd, fy Nardus i a roddodd ei arogl.

¹³Fy annwylyd sydd i’m yn bwysi myrh, rhwng fy mronnau’r erys.

¹⁴Cangen o rawn Camphyr yw fy annwylyd i mi yng-winllannoedd Engedi.

¹⁵Wele di yn deg fyng-hyfeilles, wele di yn hyfryd, [y mae i] ti lygaid colomennod.

¹⁶Wele di fy annwylyd yn deg, ac yn hawddgar: ein gwely hefyd [sydd] îr.

¹⁷Swmmerau ein tai [ydynt] cedr-wŷdd, ein distiau [ydynt] ffynid-wŷdd.