Read William Morgan Bible 1588 original edition Caniadau Salomon 2 Bible Online

Caniadau Salomon 2 - William Morgan Bible 1588 original edition bible

Caniadau Salomon 2

¹Yr eglwys yn dymuno cael aros yng-hyscod Crist. 8 Ac yn hyfryd ganddi ei glywed ai weled. 14 Cyffelybir hi i golomen, ai gelynnion i lwynogod, ai hannwylyd i lwdn hydd. Rhosyn y maes, a lili y dyffryn [ydwyf] fi.

²Megis lili ym mysc y drain: felly [y mae] fyng-hyfeilles ym mysc y merched.

³Megis afallen ym mysc prennau’r coed, felly [y mae] fy annwylyd ym mhlith y meibion: chwennychais eistedd o honof dan ei gyscod ef, canys ei ffrwyth [sydd] felus i’m genau,

⁴Efe a’m dug i’r gwin-dŷ, ai fâner arnaf [ydoedd] cariad.

⁵Cynheliwch fi â gwîn, cryfhewch fi ag afalau, canys claf [ydwyfi] o gariad.

⁶Ei law asswy [sydd] tann fy mhen, ai ddeheu-law sydd yn fyng-hofleidio.

⁷Merched Ierusalem tynghedais chwi trwy iwrchod a hyddod y maes, na chyffrôch, ac na ddeffrôch fyng-hariad ymma hyd oni fynno hi ei hun.

⁸[Dymma] lais fy annwylyd, wele ef yn dyfod, yn neidio ar y mynyddoedd, [ac] yn llammu ar y brynnau.

⁹Tebyg yw fy annwylyd i iwrch neu lwdn hydd, wele ef yn sefyll dan ein pared yn edrych trwy’r ffenestri, [ac] yn ymddangos trwy’r pilêrau.

¹⁰Fy annwylyd a attebodd, ac a ddywedodd wrthif, cyfot ti fyng-hyfeilles, a thyret ti fy mhrydferth.

¹¹Canys wele y gaiaf a aeth heibio, y glaw a bassiodd, [ac] aeth ymmaith.

¹²Gwelwyd y blodau ar y ddaiar, daeth amser pwngc-leisio, clywyd llais y durtur yn ein gwlâd.

¹³Y ffigus-bren a fwriodd allan ei ffigus irion, a’r gwin-wŷdd [eu] hegin grawn, [ac] a roddâsant arogl [teg:] cyfot ti fyng-hyfeilles, a thyret ti fy mhrydferch.

¹⁴Fyng-holomen o holltau y graig, o loches y grisiau, gad ti i mi weled dy wyneb, [a] gad i mi glywed dy lais: canys dy lais [sydd] beraidd, a’th olwg yn hawddgar.

¹⁵Deliwch i ni y llwynogod, [îe]’r llwynogod bychain y rhai a ddifwynant y gwinllannoedd, tra [fyddo] ein gwinllannoedd yn egin grawn-wîn.

¹⁶Fy annwylyd [sydd] eiddo fi, a minne yn eiddo yntef: yr hwn a ymborth ym mysc y lili.

¹⁷Hyd oni wawrio’r dydd, a chilio o’r cyscodau: tro, bydd debyg fy annwylyd i iwrch, neu lwdn hydd ym mynyddoedd Bather.