Read William Morgan Bible 1588 original edition Caniadau Salomon 5 Bible Online

Caniadau Salomon 5 - William Morgan Bible 1588 original edition bible

Caniadau Salomon 5

¹Ydifeirwch yr eglwys am iddi beri iw chariad Crist ddigio, a chilio oddi wrthi. 10 Godidawgrwydd Crist yr hwn a ddigiase hi. Deuthum i’m gardd fy chwaer [a’m] dyweddi, cesclais fy Myrh gyd a’m pêr arogl, bwytteais fy nil gyd a’m mêl, yfais fyng-wîn gyda’m llaeth: bwytewch gyfeillion, yfwch, a gwnewch yn llawen [fy] rhai annwyl.

²Myfi [oeddwn] yn cyscu, a’m calon yn neffro [pan glywais] lais fy annwylyd yn curo [gan ddywedyd]: fy chwaer, fyng-hyfeilles, fyng-holomen, fy mherffaith [riain], agor i mi, canys llawnwyd fy mhen â gwlith, a’m gwallt â defnynnau’r nôs.

³Dioscais fy mhais, pa fodd y gwiscaf hi? golchais fy nhraed pa fodd yr halogaf hwynt?

⁴Fy annwylyd a estynnodd ei law drwy’r twll, a’m calon a gyffrôdd ynof.

⁵Mi a gyfodais i agoru i’m annwylyd, yna fy nwylo a ddiferasant Myrh, a’m byssedd Fyrh diferol ar hyd hespennau y clô.

⁶Agorais i’m annwylyd, yna fy annwylyd, a droase, ac a aethe heibio, llewygais pan lefarodd, ceisiais, ac ni’s cefais, gelwais ef, ond ni’m hattebodd.

⁷Y gwil-wŷr y rhai a aent o amgylch y ddinas a’m cawsant, a’m tarawsant, [ac] a’m harchollasant: gwil-wyr y caerau a ddugasant fy moled oddi am danaf.

⁸Merched Ierusalem gorchymynnais i chwi, os caech fy annwylyd fynegu iddo ef, mai claf ydwyf o gariad.

⁹Beth [yw] dy anwylyd rhagor anwylyd [arall] y deccaf o’r gwragedd? beth [yw] dy anwylyd rhagor anwylyd [arall] pan orchymynnaist i ni felly?

¹⁰Fy anwylyd [sydd] wynn a gwridoc, yn rhagori ar ddeng-mil,

¹¹Ei benn [fel] darn o aur coeth, ei wallt yn grych-ddu fel brân.

¹²Ei lygaid fel colomennod wrth afonydd dyfroedd, wedi eu golchi â llaeth wedi eu gosod fel gemau mewn aur.

¹³Ei ruddiau fel gardd-wely arogl-ber, o flodau pêr aroglau, ei wefusau [fel] lili yn diferu Myrh diferol:

¹⁴Ei ddwylo [ydynt fel] modrwyau aur, yn llawn o [feini] Tharsys, ei fol [fel] discleirdeb Ifori llawn o Saphyr.

¹⁵Ei forddwydydd fel colofnau Marmor wedi eu seilio ar wadnau o aur coeth, ei brŷd fel Libanus, mor ddewisol a Chedr-wydd.

¹⁶Meluster [yw geiriau] ei enau, ac efe oll yn hawddgar, dymma fy anwylyd, dymma fyng-hyfaill maufi, (ô ferched Ierusalem. )

¹⁷I ba le’r aeth dy anwylyd ti y deccaf o wragedd? i ba le y troawdd dy anwylyd ti, ac ni ai ceisiwn ef gyd â thi?