Read William Morgan Bible 1588 original edition Caniadau Salomon 6 Bible Online

Caniadau Salomon 6 - William Morgan Bible 1588 original edition bible

Caniadau Salomon 6

¹Yr eglwys yn credu yng-Hrist, ac yn ymsicrhau oi drugaredd. 3 A Christ oi drugaredd yn ei gweled hithe trwy rym ei waed ef megis yn riain hawddgar. Fy anwylyd aeth i wared iw ardd, i’r pêr aroglaidd welau gerddi, i ymborth yn y gerddi, ac i gasclu lili.

²Myfi [ydwyf] eiddo fy anwylyd, a’m anwylyd eiddo finne, ’r hwn a ymbortha ym mysc y lili.

³Teg [ydwyt] ti fyng-hyfeilles megis Thyrza, gweddus megis Ierusalem, [ac] ofnadwy megis rhai baneroc.

⁴Troa dy lygaid oddi wrthif, canys hwynt a’m gorchfygasant, dy wallt [sydd] fel mintai o eifr, y rhai a ymlyfnhauasant yn Gilead.

⁵Dy ddannedd [ydynt] fel mintai o ddefaid y rhai a ddaethant i fynu o’r olchfa: y rhai ydynt bob vn yn dwyn dau oen, ac heb [vn] yn ddi-heppil yn eu mysc.

⁶Dy arleisiau rhwng dy lywethau [sydd] fel darn pom-granad.

⁷Tri vgain [ydynt] hwy y brenhinesau, a’r gordderch-wragedd yn bedwar vgain: a’r llangcesau heb rifedi.

⁸Un [ydyw] hi fyng-holomen, fy mherffaith [riain,] vnic ei mam [yw] hi, cû [yw] hi gan yr hon ai hescorodd: y merched ai gwelsant, ac a ddywedasant, gwyn ei byd: y brenhinesau a’r gordderch wragedd ai canmolasant.

⁹Pwy [yw] hon a welir fel y wawr? yn deg fel y lleuad, yn bûr fel yr haul, yn ofnadwy fel y rhai baneroc?

¹⁰Euthum i wared i berllan y cnau, i edrych am ir-goed y dyffryn, i weled a flodeuase y win-wydden a flodeuase y Pom-granadau.

¹¹Heb wybod o honof i’m gosododd fy enaid ar gerbydau fy mhobl foneddigaidd [i ddywedyd,]

¹²Dychwel, dychwel y Sulamithes, dychwel, dychwel ac ni a edrychwn arnat: beth a welwch chwi yn y Sulamithes? megis tyrfa gwersylloedd.