Read William Morgan Bible 1588 original edition Caniadau Salomon 7 Bible Online

Caniadau Salomon 7 - William Morgan Bible 1588 original edition bible

Caniadau Salomon 7

¹Crist i gadarnhau ffydd ei eglwys sydd ymma yn dangos decced y gwele efe hi. 10 A’r eglwys er ei bod yn mwynhau Crist ymma trwy ffydd sydd yn chwennych bod gartref gyd ag ef, yn rhodio hyfryd feusydd teyrnas nef. Mor deg [yw] dy draed mewn escidiau ferch pendefig, cymmalau dy forddwydydd [ydynt] fel tlysau o waith dwylo’r cywraint.

²Dy fogel sydd [sydd fel] gorflwch crwn heb eisieu diod: dy fru fel twrr gwenith wedi ei gaeu â lili.

³Dy ddwy fron megis dau lwdn iwrch o efellion.

⁴Dy wddf fel tŵr o Ifori, dy lygaid [fel] llynnoedd yn Hesbon wrth borth Bath-rabbim, dy drwyn fel tŵr Libanus yn edrych tua Damascus.

⁵Dy ben [sydd] arnat fel Carmel, a gwallt dy ben fel porphor-wisc brenin wedi ei rhwymo ym mysc pistyllau dyfroedd.

⁶Morr deg ydwyt, ac mor hawddgar fyng-hariad mewn hyfrydwch.

⁷Dy vchter ymma sydd debyg i balm-wydden, a’th fronnau i ganghennau grawn.

⁸Dywedais y dringaf i’r balm-wydden, ac ymaflaf yn ei cheinciau, ac yn awr dy fronnau fyddant megis grawn-ganghennau y win-wydden: ac arogl dy ffroenau megis afâlau.

⁹A thaflod dy enau megis y gwin da, yn myned at fy annwylyd yn iniawn, ac yn peri i wefusau y rhai a gyscant lefaru.

¹⁰Eiddo fy annwylyd [ydwyf] fi, ac arnafi [y mae] ei serch ef.

¹¹Tyret fy annwylyd awn i’r maes, a lleteuwn yn y pen-trefydd.

¹²Boreu-godwn i’r gwinllannoedd, edrychwn a flodeuodd y win-wydden, a agorodd egin y grawn-win, a flodeuodd y pomgranadau, yno y rhoddaf fy serch arnat.

¹³Y mandragorau a roddasant arogledd, wrth ein dryssau, [a] phob godidawg ffrwythau newydd a hên y rhai a guddiais it fy annwylyd.