Read William Morgan Bible 1588 original edition Caniadau Salomon 8 Bible Online

Caniadau Salomon 8 - William Morgan Bible 1588 original edition bible

Caniadau Salomon 8

¹Awydd yr eglwys (yr hon oedd yn amser Salomon o’r Iddewon yn vnic): Grist. 8 Ai gofal am ei chwaer yr hon oedd iw galw o’r cenhedloedd. 11 Gofal Crist am ei eglwys, ac am bregethu’r efengyl. 14 Yr eglwys yn hiraethu am ddydd y farrn. Pwy a’th rydd megis brawd i’m, yn sugno bronnau fy mam? [pe] i’th gawn allan cusanwn di, ac ni’m dirmygent.

²Tywysaf, [ac] arweiniaf di i dŷ fy mam [fel] i’m dyscech fi, [ac fel] y parwyf it yfed o wîn arogl-ber [ac] o sugn fy mhomgranadau.

³Ei law asswy [fydd] tann fy mhen, ai law ddehau a’m cofleidia.

⁴Tyngedais chwi ferched Ierusalem: na chyffroech, ac na ddeffroech fyng-hariad ymma hyd oni fynne hi ei hun:

⁵Pwy [yw] hon sydd yn dyfod i fynu o’r anialwch [ac] yn bwrw ei phwys ar ei hannwylyd? tann yr afallen i’th gyffroais, yno i’th escorodd dy fam, yno i’th escorodd yr hon a’th ymddug.

⁶Gosot fi megis sêl ar dy galon, [ac] fel sêl ar dy fraich, canys cariad [sydd] morr gryf ag angeu, [ac] eiddigedd morr greulon ag vffern, ei farwor [ydynt] farwor tanllyd, [o] fflam yr Arglwydd.

⁷Dyfroedd lawer ni allant ddiffoddi y cariad, ac afonydd nis boddant: pe rhodde ŵr holl gyfoeth ei dŷ am gariad, gan ddirmygu y dirmygid hynny.

⁸[Y mae] i ni chwaer fechan, ac nid [oes] fronnau iddi, beth a wnawn i’n chwaer y dydd y chwedleuer am dani?

⁹Os caer [yw] hi, ni a adailadwn arni balas arian, os porth [yw] hi, caewn am dani ystyllod Cedr-wŷdd.

¹⁰Caer [ydwyfi] a’m bronnau fel tŷrau, yna’r oeddwn yn ei olwg ef megis wedi cael tangneddyf.

¹¹Yr oedd gwin-llan i Salomon yn Baalhamon, efe a roddes y winllan at warcheidwaid, pob vn a ddyge am ei ffrwyth fil o [siclau] arian.

¹²Fyng-winllan mau fi [sydd] ger fy mron, y mil [o siclau a roddir] i ti Salomon, a dau cant i’r rhai a gadwant ei ffrwyth.

¹³O yr hon a drigi yn y gerddi, pregetha fi i’th gyfeillion, y rhai a wrandawant ar dy lais.

¹⁴Bryssia fy annwylyd a bydd debyg i iwrch neu lwdn hydd ar fynyddoedd y pêr-arogl. Terfyn Cân y Caniadau