Read William Morgan Bible 1588 original edition Doethineb 10 Bible Online

Doethineb 10 - William Morgan Bible 1588 original edition bible

Doethineb 10

¹Bod ymwarêd y rhai duwiol yng-hyd a dialedd eu gelynnion hwynt yn dyfod trwy ddoethineb. Hon a gadwodd yr hwn a luniwyd yn gyntaf i fôd yn dâd i’r bŷd pan grewyd ef yn vnic.

²Ac hi ai gwaredodd ef di fai, ac a roddes iddo ef nerth i lywodraethu pob peth.

³A phan ymadawodd yr anghyfiawn â hi yn ei ddigter, efe a fethodd trwy lid i ladd ei frawd.

⁴Er mwyn yr hwn y boddwyd y ddaiar eithr doethineb trachefn ai cadwodd hi gan lywodraethu y cyfiawn ag ychydig bren.

⁵Hi hefyd yng-hydundeb drygioni y cenhedloedd cymyscadwy a adnabu y cyfiawn, ac ai cadwodd ef yn ddifai ger bron Duw, ie yn ei fawr gariad iw fab, hi ai cadwodd ef yn gryf.

⁶Hi a waredodd y cyfiawn oddi wrth yr annuwiol colledit, pan ffôdd efe rhag y tân a ddescynnod ar y pump dinas.

⁷Am yr hwn ddrygioni y mae y diffaethdir myglyd a’r planwydd y rhai ydynt yn ffrwytho mewn prŷd amherffaith yn destiolaeth, felly y mae y golofn halen yn sefyll yn goffadwriaeth am yr enaid anghredadwy.

⁸O blegit y rhai a ddiystyrasant ddoethineb ni chawsant yn vnic y niwed hyn, sef bôd heb wybod pethau da: eithr hwy a adawsant goffadwriaeth i’r bŷd oi ffolineb, ac ni allant lechu yn y pethau a wnaethant yn amryfus.

⁹Eithr y rhai ai parchent hi a waredodd doethineb o boen.

¹⁰Mewn llwybrau iniawn yr arweiniodd hi y cyfiawn yr hwn oedd yn ffoi rhag digofaint ei frawd, hi a ddangosodd iddo ef deyrnas Dduw, ac a roddes iddo ef wybodaeth am bethau sanctaidd, hi a gyfoethogodd ei lafur ef, ac a gynnyddodd [ffrwyth] ei boen ef.

¹¹Yr oedd hi yn bresennol pan oedd y rhai oeddynt drech nag ef mor gybydd, ac hi ai cyfoethogodd ef.

¹²Hi ai cadwodd ef rhag ei elynnion, ac ai diofalodd ef oddi wrth ei gynllwyn-wŷr, ac mewn ymdrech cryf hi a roddes y maes iddo ef fel y galle efe ŵybod fod duwioldeb yn gryfach nâ dim.

¹³Ni adawodd hi y cyfiawn yr hwn a werthwyd, eithr hi ai achubodd ef rhag pechod, ac a aeth i wared gyd ag ef i’r carchar.

¹⁴Ie ni adawodd hi ef yn ei rwymau hyd oni ddygodd hi iddo ef deyrn-wialen brenhiniaeth, a llywodraeth ar ei orthrym-wŷr, hi a ddangosodd fôd y rhai oeddynt yn beio arno ef yn gelwyddoc, ac a roddes iddo ef ogoniant tragywyddol.

¹⁵Hon a waredodd y bobl sanctaidd, a’r hâd difai oddi wrth y genhedlaeth orthrymmus.

¹⁶Hi a aeth i mewn i was yr Arglwydd, ac a safodd yn erbyn brenhinoedd aruthr gan [wneuthur] rhyfeddodau a gwrthiau.

¹⁷Hi a roddes i’r rhai cyfiawn wobr sancteiddrwydd eu llafur, hi ai harweiniodd hwynt mewn ffordd ryfedd, ac oedd yn orchudd iddynt hwy y dydd, ac yn fflam o sêr y nos.

¹⁸Hi ai dug hwynt trwy ’r môr coch, ac ai harweiniodd hwynt trwy ddwfr mawr.

¹⁹Ac hi a foddodd eu gelynion hwynt, ac ai dug hwynt o waelod y dyfnder.

²⁰Am hynny y rhai cyfiawn a yspeiliasant y rhai annuwiol, ac a ddadcanasant dy enw sanctaidd di (ô Arglwydd) ac a glôdforasant o vnfrŷd dy law orchfygus di.

²¹O blegit doethineb a agorodd enau y rhai mudion, ac a osododd dafodau plant bychain yn ymmadroddus.